Hýddur fyrir áfengisneyslu

Í Íran eru yfir 100 glæpir refsiverðir með hýðingu.
Í Íran eru yfir 100 glæpir refsiverðir með hýðingu. AFP

Mannréttindasamtökin Amnesty International gagnrýnir írönsk stjórnvöld harðlega fyrir opinbera hýðingu ungs manns sem gerðist sekur um að hafa neytt áfengis í æsku. Maðurinn var hýddur áttatíu sinnum á opinberu torgi í Kashmar-borg í austurhluta landsins.

Maðurinn var handtekinn fyrir neyslu áfengis árið 2006 og dæmdur sekur ári síðar. Ekki er vitað hvers vegna refsingunni var fylgt eftir svona löngu síðar.

Fjölmiðlar á svæðinu birtu ljósmyndir af manninum þar sem hann sést bundinn við tré á torginu á meðan hann er hýddur af grímuklæddum manni. Fámennur áhorfendahópur sést svo í bakgrunni.

Philip Luther, yfirmaður Amnesty Interantional á Miðausturlöndum og í Norður-Afríku, segir hýðinguna vera enn eitt dæmið um grimmd íranskra stjórnvalda. „Engin, burtséð frá aldri, á að vera hýddur; að barn hafi verið ákært fyrir neyslu áfengis og dæmt til áttatíu svipuhögga er ótrúlegt.“ Þá segir Luther að írönsk stjórnvöld ættu að segja skilið við hvers konar líkamlegar refsingar.

Á vef CNN kemur fram að samkvæmt 265. grein íslamskra hegningarlaga í Íran er hýðing lögmæt refsing fyrir neyslu áfengis. Yfir 100 glæpir eru refsiverðir með hýðingu í Íran, þar á meðal þjófnaður, skemmdarverk og ærumeiðingar. Þar á meðal eru einnig gjörðir sem samkvæmt Amnesty ættu ekki undir neinum kringumstæðum að vera refsiverðar svo sem framhjáhald, náin sambönd ógiftra kvenna og karla og kynferðislegt samneyti einstaklinga af sama kyni.

mbl.is
íbúð með sérinngangi eða sérbýli óskast.
Ábyrg og snyrtileg fjögurra manna fjölsk. óskar eftir húsnæði í Reykjavik og nág...
Kolaportið sjávarmegin-plötuportið.
Mikið úrval af ýmsum gömlum plötum Low, Pinups, Diamond Dogs, Aladin Sane, o.f...
LAGER AF DIM UNDIRFATNAÐI TIL SÖLU!
Til sölu lager af DIM dömu undirfatnaði, sokkabuxum, sokkum ásamt herra nærfatn...
Bátavélar 58 hp með gír
Eigum á á lager , góðar vélar 58 hp (43,3 kw) með gír og mælaborði og tilheyrand...