Kínverjar reyni að hafa áhrif á kosningar

Donald Trump Bandaríkjaforseti.
Donald Trump Bandaríkjaforseti. AFP

Donald Trump Bandaríkjaforseti segir að Kínverjar reyni að hafa áhrif á bandarísku þingkosningarnar með því að leggja innflutningstolla á bandarískar vörur.

Bandaríkjamenn lögðu innflutningstolla á kínverskar vörur að andvirði 200 milljarða dala í gær. Kínverjar svöruðu í dag með því að tilkynna um nýja tolla á bandarískar vörur að andvirði 60 milljarða dala.

Í röð tísta á Twitter sakaði Trump Kínverja um að beita innflutningstollum í pólitískum tilgangi.

„Kínverjar hafa sagt opinberlega að þeir séu að reyna að hafa áhrif á kosningarnar okkar og breyta þeim með því að ráðast á bændurna okkar, eigendur búgarða og verkamenn vegna þess að þeir eru hliðhollir mér,“ skrifaði Trump.

„Kínverjar hafa notfært sér Bandaríkin í viðskiptaskyni í mörg ár. Þeir vita að ég er sá sem veit hvernig á að stöðva þetta ferli,“ bætti hann við.

„Það verða miklar efnahagslegar hefndaraðgerðir gegn Kína ef ráðist er á bændurna okkar, eigendur búgarða og/eða verkamenn!“

Óljóst er til hvaða opinberu tilkynningar Kínverja Trump var að vísa í tístinu. 



mbl.is
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
HRINGSTIGAR _ HRINGSTIGAR
Hringstigar, úti sem inni. Þvermál 120, 130, 140, 150, 160, 170 cm og sérsmíði í...
Sumarbústaðalóðir til sölu í Vaðnesi
Til sölu fallegar sumarhúsalóðir með aðgangi að heitu og köldu vatni í vinsælu s...
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...