Brett Kavanaugh hefur svarið embættiseið sinn sem dómari við Hæstarétt Bandaríkjanna en það gerði hann aðeins um tveimur klukkustundum eftir að meirihluti öldungadeildar Bandaríkjaþings samþykkti tilnefningu hans í gærkvöld.

Öldungadeildin samþykkti tilnefningu Donalds Trump Bandaríkjaforseta á Kavanaugh með 50 atkvæðum gegn 48 eftir miklar umræður og mótmæli gegn skipun hans. Hæstaréttardómari hefur ekki verið samþykktur með minni mun frá árinu 1881.

Með skipun Kavanaugh er meirihluti íhaldsmanna í Hæstarétti Bandaríkjanna festur í sessi samkvæmt frétt AFP en fimm af níu dómurum hans hafa verið skipaðir af forsetum repúblikana. Trump hefur fagnað skipuninni mjög.

Óvíst varð um skipun Kavanaughs eftir að þrjár konur stigu fram og sökuðu hann um kynferðisofbeldi þegar hann var unglingur og þegar hann stundaði nám við Yale-háskóla. Tvær sögðust hafa orðið fyrir því sjálfar og ein orðið vitni að slíku.

Repúblikanar hafa fagnað niðurstöðunni en þeir hafa nú meirihluta í báðum deildum Bandaríkjaþings og meirihluta í Hæstarétti auk forsetaembættisins. Þingkosningar eru hins vegar í næsta mánuði og óvíst hvernig staðan verður í kjölfar þeirra.

Tengdar fréttir

Brett Kavanaugh tilnefndur í embætti hæstaréttardómara

Segir allar ásakanirnar uppspuna

• Kavanaugh samþykktur
• Collins styður Kavanaugh
• Þingið samþykkir að kjósa um Kavanaugh
• Hundruð handtekin við Hæstarétt

» Fleiri tengdar fréttir

• 2 blogg um fréttina

Bloggað um fréttina

• Lífsréttur: Sigurbjörn Einarsson biskup: Það er um mannslíf að tefla
• Jónatan Karlsson: Nú súpa feminískar beljur af báðum kynjum hveljur.