Líkamshlutar Khashoggis fundnir?

AFP

Talið er að líkamshlutar sádiarabíska blaðamannsins Jamal Khashoggi séu fundnir að því er fram kemur á vef Sky News. 

Sky hefur þetta eftir heimildum og að þeir séu mjög illa farnir. Einn heimildarmaður Sky segir að líkamshlutarnir hafi fundist í garði við heimili ræðismanns Sádi-Arabíu í Istanbul. Fyrr í morgun sagði forseti Tyrklands, Recep Tayyip Erdoğan, að líkið væri ófundið og krafði yfirvöld í Sádi-Arabíu um upplýsingar um hvar það væri að finna.

„Hvernig getur staðið á því að lík einhvers, sem opinberlega er búið að segja að hafi verið drepinn, finnst ekki?“ sagði Erdoğan er hann ávarpaði tyrkneska þingið í morgun.

Erdoğan minntist ekkert á hljóðupptökur sem tyrknesk yfirvöld eiga að hafa undir höndum frá morðinu á Khashoggi. Þær eiga að staðfesta að hann hafi verið pyntaður, myrtur og lík hans sundurlimað.

Erdoğan gaf engar skýringar á því hvers vegna Khashoggi hafi verið myrtur annað en að morðið hafi verið skipulagt fyrir fram. 

Hann krefst þess að allir þeir sem komu nálægt morðinu á Khashoggi verði látnir sæta þungri refsingu og fer hann fram á að réttarhöldin yfir mönnunum 18 sem grunaðir eru um morðið fari fram í Istanbúl. Þá segir hann ekki komi til greina að taka tillit til diplómatískrar friðhelgi þrátt fyrir að það brjóti gegn Vínarsáttmálanum.

 

mbl.is
SUMARHÚS- GESTAHÚS- BREYTINGAR
Sumarhús - Gestahús - Breytingar ? Framleiðum stórglæsileg sumarhús í ýmsum stær...
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
4ra herbergja íbúð til leigu á Dunhaga
4ra herbergja íbúð til leigu á Dunhaga 17 við Háskólabíó. Upplýsingar í síma 892...
KRISTALS LJÓSAKRÓNUR Útsala er að byrja
Glæsilegar kristalsljósakrónur í falleg heimili. Handskornar kristalsljósakrónu...