Fundust látnar í Marokkó

Markaðstorg í borginni Marrakesh í Marokkó.
Markaðstorg í borginni Marrakesh í Marokkó. Ljósmynd/AFP

Marokkósk lögregla rannsakar nú voveiflegt dauðsfall tveggja kvenna sem fundust látnar á vinsælu útivistarsvæði í Atlas-fjallgarðinum sem teygir sig gegnum Marokkó, Alsír og Túnis í Norður-Afríku. Önnur kvennanna er Norðmaður en hin Dani og er andlát þeirra rannsakað sem sakamál þar sem fjöldi áverka eftir einhvers konar eggvopn fannst á líkunum. Marokkósk yfirvöld tilkynntu norska utanríkisráðuneytinu um málið í dag.

„Við erum önnum kafin við rannsókn málsins og vonumst til að hafa frekari vitneskju um það í kvöld,“ segir Ane Lunde, upplýsingafulltrúi utanríkisráðuneytisins, við norsku fréttastofuna NTB sem rekur læsta fréttaþjónustu en það er netmiðillinn Nordlys sem hefur ummælin eftir.

Norska dagblaðið VG greindi fyrst frá málinu í dag, af norskum fjölmiðlum, og hefur sínar fyrstu upplýsingar frá fréttastofu AFP. VG setti sig þegar í samband við lögregluyfirvöld í Marokkó sem segjast ekki vilja tjá sig á nokkurn hátt um andlát kvennanna eða tildrög þess að svo búnu. 

Aflýsa öllum gönguferðum

Norska ríkisútvarpið NRK hefur það eftir frönskuskrifandi marokkóskum fréttamiðli á netinu í dag að ringulreið ríki á svæðinu, sem er í El Haouz-héraðinu, skammt frá tindi fjallsins Toubak, og ferðaþjónustuaðilar hafi aflýst öllum skipulögðum gönguferðum með ferðamenn.

Ríkisútvarpið náði einnig sambandi við norska ferðaskrifstofu sem skipuleggur gönguferðir um Atlas-fjallgarðinn og sagði talsmaður hennar að fyrirtækið hefði annast leiðsagðar gönguferðir um fjöllin í áraraðir og aldrei litið á svæðið öðruvísi en fullkomlega öruggt.

Norska sjónvarpsstöðin TV2 greinir frá því að áverkarnir hafi verið á hálsi kvennanna látnu og hvor tveggju, utanríkisráðuneyti Noregs og Danmerkur, bíði nú frekari tíðinda af rannsókn marokkósku lögreglunnar.

mbl.is
Nokkrar notaðar saumavélar til sölu !!
Nokkrar tegundir, ýmsar gerðir. Allar ástandsskoðaðar og prófaðar af fagmanni. V...
Múrverk
Múrverk...
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
Silfurlituð Toyota Corolla 2005 árg
Nýskoðaður og góður bíll! keyrður 224 þús. Negld vetrardekk og sumardekk í góðu ...