Hvöttu til sjálfsvíga lögreglumanna

Á Republique-torginu í París á laugardag.
Á Republique-torginu í París á laugardag. AFP

Saksóknari í París hefur hafið rannsókn á vígorðum sem mótmælendur í París æptu að lögreglu í mótmælum í borginni á laugardag. Hvöttu þeir ítrekað lögreglumenn til þess að taka eigið líf. Það sem af er ári hafa 28 franskir lögreglumenn framið sjálfsvíg en allt árið í fyrra voru þeir 35. 

AFP

Um er að ræða mótmælendur úr hópi gulvestunga sem hafa undanfarnar 23 helgar farið út á götur Parísar og mótmælt stefnu forseta landsins, Emmanuel Macron. Á ýmsu hefur gengið og gríðarleg skemmdarverk unnin samfara mótmælunum en mörgum þótti keyra um þverbak á laugardag þegar mótmælendurnir æptu: Fremjið sjálfsvíg, fremjið sjálfsvíg! (Suicidez-vous !) að lögreglumönnum sem voru á vakt. 

Innanríkisráðherra Frakklands, Christophe Castaner, skrifar um þetta á Twitter og segir að þeir ættu að skammast sín en hann birti myndskeið með færslunni þar sem áhrínisorð mótmælenda óma. 

Formaður bandalags lögreglumanna (Alliance), Frederic Lagache, segir að lögreglan hafi þurft að þola ýmislegt af hálfu mótmælenda en nú hafi þeir einfaldlega gengið of langt. Þetta sé árás á alla þá lögreglumenn sem hafi dáið og fjölskyldur þeirra. 

Lögreglan í París á vakt vegna mótmæla Gilets Jaunes á ...
Lögreglan í París á vakt vegna mótmæla Gilets Jaunes á laugardag. AFP

Ríkislögreglustjóri Frakklands, Eric Morvan, skrifaði bréf til allra lögreglumanna landsins nýverið þar sem hann fjallaði um fjölda sjálfsvíga í stéttinni. Að sjálfsvíg væru eitthvað sem þyrfti að ræða og án þess að viðkomandi þurfi að óttast að vera dæmdur. 

Franskir lögreglumenn hafa ítrekað kvartað undan álagi í starfi ekki síst vegna aukavakta um helgar vegna mótmælanna. Á fimmtudag frömdu tveir lögreglumenn sjálfsvíg. Lögreglumaður skaut sig til bana á heimili sínu í Villejuif, skammt fyrir utan París og lögregluvarðstjóri skaut sig til bana á skrifstofu sinni í Montpellier. Mikil sorg ríkir meðal íbúa í Montpellier og tóku hundruð lögreglumanna þátt í minningarathöfn um varðstjórann, tveggja barna móður, fyrir utan höfuðstöðvar lögreglunnar í borginni. 

Minningarathöfn fyrir utan lögreglustöð í Montpellier á föstudag.
Minningarathöfn fyrir utan lögreglustöð í Montpellier á föstudag. AFP
AFP
mbl.is
KERRUR TIL AFGREIÐSLU SAMDÆGURS
Sterku HULCO fjölnotakerrurnar, myndir á bland.is og á Facebook = Magnus Elias /...
Einstakt tilboð - 14,44 fm Garðhús - Naust
Naust er bjálkahús úr 34mm bjálka með tvöfaldri nót. Húsið er 3,8m x 3,8m og er...
Jessenius Faculty
Jessenius Faculty of Medicine í Martin Slóvakíu heldur inntökupróf 3. júní kl. 1...
Vel með farinn Golfbíll til sölu á kr. 400.00
Bíllinn er með nýjum rafgeimum og mjög vel með farinn að öllu leiti. upplýsing...