Keyrði bæði sofandi og drukkinn

Maðurinn var á Tesla-bifreið með sjálfstýringarbúnaði og steinsvaf við stýrið …
Maðurinn var á Tesla-bifreið með sjálfstýringarbúnaði og steinsvaf við stýrið þar til lögregla vakti hann með sírenuvæli. AFP

Lögregla í Hollandi greinir frá því að hún hafi stöðvað för ökumanns, sem ók um um hraðbraut í grennd við borgina Eemnes bæði sofandi og drukkinn. Fjallað er um málið á vef Sky News, en lögreglan greindi frá þessu atviki á Instagram.

Ökumaðurinn var á Tesla-bifreið og var með sjálfstýringuna í gangi. Er lögreglumenn óku nærri manninum veittu þeir því eftirtekt að hann virtist vera sofandi við stýrið.

Lögreglumennirnir hægðu á sér og þá byrjaði Tesla-bifreiðin að þokast fram úr lögreglunni sem greip til þess ráðs að vekja ökumanninn með sírenuvæli.

Samkvæmt lögreglu virtist maðurinn vera ölvaður og missti hann bílprófið í kjölfar þessa svefn- og ölvunaraksturs.

View this post on Instagram

A post shared by Landelijke Eenheid Noordwest (@pol_infranw) on May 17, 2019 at 4:38am PDT



mbl.is