Fangi í Hvíta-Rússlandi, eina ríki Evrópu þar sem dauðarefsingar tíðkast enn, hefur verið tekinn af lífi, samkvæmt því sem hvítrússneski mannréttindahópurinn Viasna miðlar til fjölmiðla frá ættingjum mannsins.

Samkvæmt tillkynningu Viasna hefur fanginn Alexander Zhilnikov verið tekinn af lífi, en hann var dæmdur fyrir tvöfalt leigumorð árið 2015 og eitt morð til viðbótar. Annar maður sem var dæmdur í sama máli og Zhilnikov hefur mögulega líka verið tekinn af lífi, en venjan í Hvíta-Rússlandi er sú að taka fanga sem dæmdir eru saman af lífi á sama tíma.

Viasna gat þó ekki staðfest að það hefði verið svo nú, samkvæmt AFP-fréttastofunni.

Aftökuaðferðin skot í hnakkann

Í frétt AFP kemur fram að mikil leynd ríki yfir aftökum Hvít-Rússa, en fregnir hermi að ríkið taki dauðadæma fanga af lífi með því að skjóta þá í hnakkann.

Engin opinber tölfræði er gefin út um það hve marga fanga Hvít-Rússar taka af lífi á ári hverju, en vitað er að í fyrra voru þeir að minnsta kosti þrír.

Dauðarefsingin er enn við lýði í nágrannaríkinu Rússlandi, en Rússar hafa þó ekki beitt henni síðan árið 1996.

Tengdar fréttir

Dauðarefsingar

Tekinn af lífi fyrir tvö morð

• Alabama hefur aftur gjöf banvænna sprauta
• Teknir af lífi fyrir að brenna Kóraninn
• Malasía bannar lögboðna dauðarefsingu
• Mál manns sem var hálfa öld á dauðadeild endurupptekið

» Fleiri tengdar fréttir

• Blogga um frétt