35 slösuðust vegna ókyrrðar í flugi

35 manns hið minnsta slösuðust þegar farþegaþota frá flugfélaginu Air Canada lenti í verulegri ókyrrð á leið sinni milli Vancouver í Kanada og Sydney í Ástralíu. 284 voru í vélinni, sem var látin lenda á Havaí þar sem hlúð var að hinum slösuðu.

BBC hefur eftir forsvarsmönnum flugfélagsins að vélin, sem var af gerðinni Boeing 777-200,  hafi lent í ókyrrð þegar hún hafði flogið um tvo tíma lengra en Hawai.

 „Við lentum í ókyrrð og allir lentu í loftinu og svo datt allt niður og fólk var fljúgandi um,“ hafði KHON-sjónvarpsstöðin á Havaí eftir Jess Smith, einum farþeganna.

„Sumir voru ekki í beltum og maður sá þegar þeir tókust á loft og ráku höfuðið í loftið og allt, þetta var svo harkalegt,“ sagði annar farþegi í samtali við sjónvarpsstöðina.

• Blogga um frétt