Heitasti júní frá upphafi mælinga

Það sem talið er hafa hvað mest afgerandi áhrif á ...
Það sem talið er hafa hvað mest afgerandi áhrif á meðaltalshitann í júní var hitabylgja sem gekk yfir Evrópu. Kort/NASA

Hitastig jarðarinnar í júní var að meðaltali 0,93 stigum yfir meðaltali í júní á árunum 1951 til 1980 og mældist hann heitasti júnímánuður frá því mælingar hófust, samkvæmt gögnum frá Bandarísku geimvísindastofnuninni NASA.

Það sem talið er hafa hvað mest afgerandi áhrif á meðaltalshitann í júní var hitabylgja sem gekk yfir Evrópu, en á meðan hún gekk yfir féllu m.a. hitamet í Frakklandi, Þýskalandi, Póllandi og Tékklandi.

Hitastigið í júní sló því út eldra hitametið frá 2016 þegar hiti var að meðaltali 0,82 stig yfir meðalhita mánaðarins.

Washington Post greinir frá því að NASA hafi raunar verið önnur stofnunin til þess að staðfesta hitametið, en Loftslagsþjónusta Kóperníkusar (e. Copernicus Climate Change Service) hafði þegar gefið út yfirlýsingar þess efnis.

Þá bendir ýmislegt til þess að júlímánuður muni einnig slá hitamet forvera sinna, samkvæmt veðurfræðingum, og gæti hann jafnvel orðið heitasti mánuður í sögu jarðarinnar.

mbl.is
Höfuðverkur, endalaus þreyta, svefnleysi
Er með til leigu OZONE lofthreinsitæki ( margir kalla þetta JÓNAR tæki ). Eyði...
Sumarhús- Gestahús - Breytingar
Sumarhús - Gestahús - Breytingar ? Framleiðum stórglæsileg sumarhús í ýmsum stær...
Barnakerra
Til sölu Emmaljunga barnakerra. (Kerruvagn) Vel með farinn. Tilboð óskast...Sím...
Greinakurlari
Glussastýrður greinakurlari fyrir traktor, www.hardskafi.is Sími 896 5486...