Erlent | mbl | 29.10.2019 | 11:22 | Uppfært 12:06

Stálu nærbuxum Baghdadi

Baghdadi sprengdi sjálfan sig í loft upp í árás Bandaríkjahers á fylgsni hans í Idlib-héraði í Sýrlandi þegar hann áttaði sig á að hann ætti enga undankomuleið. AFP

Njósnari Kúrda stal nærbuxum leiðtoga hryðjuverkasamtakanna sem kenna sig við Ríki íslams, Abu Bakr al-Baghdadi, til þess að hægt væri að taka úr þeim sýni og ganga úr skugga um að örugglega væri um leiðtogann sjálfan að ræða.

Frétt af mbl.is

Líki Baghdadi hent í sjóinn

Talsmaður sýrlensku lýðræðisaflanna (SDF) segir njósnarann hafa leikið lykilhlutverk í að hafa uppi á Baghdadi áður en sérsveit Bandaríkjahers lagði til atlögu um helgina, en SDF saka Bandaríkjaforseta um að hafa gert lítið úr hlut Kúrda í aðgerðinni sem réð niðurlögum leiðtogans.

Baghdadi sprengdi sjálfan sig í loft upp í árás Bandaríkjahers á fylgsni hans í Idlib-héraði í Sýrlandi þegar hann áttaði sig á að hann ætti enga undankomuleið.

3 - Our own source, who had been able to reach Al Baghdadi, brought Al Baghdadi’s underwear to conduct a DNA test and make sure (100%) that the person in question was Al Baghdadi himself.
— بولات جان Polat Can (@PolatCanRojava) October 28, 2019