Bresk stjórnvöld hafa gert samninga við einkarekin fyrirtæki fyrir samtals einn milljarð punda, án þess að farið hafi verið í útboð á verkefnunum á Evrópska efnahagssvæðinu. 

Í frétt Guardian kemur fram að stjórnvöld hafi samið beint við einkarekin fyrirtæki og að öðrum aðilum hafi ekki verið gefið færi á að koma fram með tilboð. Á meðal þeirra fyrirtækja sem gert hafa samning við stjórnvöld eru Deloitte, PricewaterhouseCoopers og Ernst & Young. 

Alls voru 177 samningar gerðir við bresk fyrirtæki vegna kórónuveirufaraldursins án útboðs, flestir við bresk fyrirtæki. 

Heimildir mbl.is herma að einhverjir umræddra samninga séu útboðsskyldir á grundvelli reglna um Evrópska efnahagssvæðið, en samkvæmt 126. grein útgöngusamnings Breta úr Evrópusambandinu bera Bretar og ríki Evrópu gagnkvæmar skyldur á grundvelli reglna Evrópusambandsins til 31. desember. 

Samkvæmt heimildum mbl.is hafi Bretar með gerð umræddra samninga í raun tekið einhliða ákvörðun um sniðganga útboðskyldu á vissum verkefnum á grundvelli reglna Evrópusambandsins, en skylt er að auglýsa útboð á Evrópska efnahagssvæðinu ef fjárhæðir fara yfir ákveðin viðmiðunarmörk. 

Bresk fyrirtæki hafa aftur á móti tekið þátt í útboðum annarra Evrópuríkja á grundvelli reglna Evrópusambandsins, meðal annars hér á landi, en breska auglýsingaskrifstofan M&C Saatchi hlaut hæstu einkunn valnefndar fyrir markaðsverkefnið „Ísland — sam­an í sókn.“

Frétt af mbl.is

„Skrítið og svekkjandi“

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• Blogga um frétt