Lokað fyrir ferðalög til og frá Tenerife

Ferðamenn frá Íslandi njóta Tenerife gjarnan um jólin.
Ferðamenn frá Íslandi njóta Tenerife gjarnan um jólin. AFP

Lokað verður fyrir ferðalög til og frá Tenerife frá miðnætti annað kvöld vegna aukins smitfjölda þar í landi. Aðeins fólki sem hefur sérstakar undanþágur er heimilt að koma þangað eða fara þaðan. Aðgerðirnar gilda í fimmtán daga. 

Þetta kemur fram í frétt El País. 

Íslenskar ferðaskrifstofur hafa boðið upp á ferðir til Tenerife um jólin.

Stjórnvöld á Tenerife hafa einnig ákveðið að grípa til frekari sóttvarnaaðgerða, til dæmis mega verslunarmiðstöðvar taka á móti færra fólki en áður og verður börum og veitingastöðum lokað frá 21.30 á kvöldin. Að auki er útgöngubann á eyjunni frá klukkan tíu á kvöldin til klukkan sex á morgnanna.  

mbl.is
Fleira áhugavert
Fleira áhugavert