Selja skammta ESB ekki til annarra landa
Setja bókamerki
Pascal Soriot, forstjóri lyfjafyrirtækisins AstraZeneca, þvertekur fyrir þær sögusagnir að fyrirtækið stundi það að selja skammta af bóluefni, sem eyrnamerktir eru Evrópusambandinu, til annarra landa á hærra verði.
Sögusagnirnar spruttu upp í kjölfar þess að fyrirtækið gaf það út að ekki næðist að standa við fyrstu afhendingaráætlun bóluefnisins. Evrópusambandið brást illa við þeim fregnum og varaði við því að reglur varðandi útflutning á bóluefnum yrðu hertar.
Stella Kyriakides, yfirmaður heilbrigðismála í framkvæmdastjórn ESB, sagði að sambandið muni grípa til allra þeirra aðgerða sem þörf er á til að verja borgara sína. Ursula von der Leyen, forseti framkvæmdastjórnar ESB, sagði að Evrópa hefði fjárfest í þróun bóluefna gegn kórónuveirunni og að framleiðendur verði að standa við skuldbindingar sínar um afhendingu.
Kennir Evrópusambandinu um tafir í framleiðslu
Sem fyrr segir Soriot, forstjóri AstraZeneca, að ekkert sé til í því að fyrirtækið sé að selja bóluefnaskammta til ríkja utan ESB á hærra verði. Þá segir hann að tafir á afhendingu bóluefnisins séu ekki fyrirtækinu að kenna, heldur Evrópusambandinu. Ástæðan sé sú að seinagangur sambandsins að semja við fyrirtækið um kaup á bóluefninu hafi tafið nauðsynlegar viðgerðir sem ráðast þurfti í til að framleiða á nægilegum hraða.
Fái bóluefni AstraZeneca markaðsleyfi frá Lyfjastofnun Evrópu fær Ísland 13.800 skammta í febrúar, en áður hafði verið gert ráð fyrir 75 þúsund skömmtum. Svandís Svavarsdóttir heilbrigðisráðherra sagði í samtali við mbl.is fyrr í dag að ekki væri ástæða til að fara á límingunum vegna þess.
Í næsta mánuði er von á 43 þúsund skömmtum frá Pfizer, 10 þúsund frá Moderna auk sendingarinnar frá AstraZenica. Þeir skammtar muni duga til að bólusetja um 33.500 manns.
Eldgosinu er lokið
„Þetta þarf að fara að gerast“
Sleppt úr varðhaldi: Búið að klippa kanta á seðlum
Tólf ára drengur illa fótbrotinn
Eldgosinu lokið en getum búist við öðru
Merkilegt hve lengi gosið hélt dampi
Goslok hafa ekki áhrif á vinnuna
„Gleymum því ekki að okkar vali fylgir ábyrgð“
