Gert hefur verið hlé á prófunum á bóluefni AstraZeneca á meðal barna í Bretlandi á meðan yfirvöld meta möguleg tengsl bóluefnisins við blóðtappa í fullorðnu fólki.

Þetta kemur fram í tilkynningu frá Oxford-háskóla, sem tók þátt í þróun bóluefnisins.

Frétt af mbl.is

Telur að um tengsl sé að ræða

„Þrátt fyrir að engar áhyggjur séu uppi vegna þeirra prófana sem hafa verið gerðar á meðal barna munum við bíða eftir viðbótarupplýsingum frá MHRA (Lyfjastofnun Bretlands) í tengslum við skoðun hennar á sjaldgæfum tilfellum blóðtappa sem hafa greinst í fullorðnum, áður en við höldum áfram bólusetningum í þessum prófunum,“ sagði í yfirlýsingunni.

Lyfjastofnun Bretlands er ein af mörgum stofnunum víðs vegar um heiminn sem rannsaka upplýsingar frá AstraZeneca í tengslum við bólusetningar til að sjá hvort bein tengsl séu á milli bóluefnisins og sjaldgæfs tilfellis blóðtappa, eftir að greint var frá tilfellum í Noregi og á meginlandi Evrópu.

Alþjóðaheilbrigðismálastofnunin og Lyfjastofnun Evrópu greina frá niðurstöðum sínum síðar í þessari viku.

Tengdar fréttir

Bólusetningar við Covid-19

„Það þarf að vinna mikinn fjölda upp“

• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“
• Ósennilegt að bólusetning orsaki tíðavandamál

» Fleiri tengdar fréttir

• Blogga um frétt