Evrópska lyfjastofnunin hefur veitt bóluefni Pfizer gegn kórónuveirunni fyrir 12-15 ára gömul börn skilyrt markaðsleyfi. Það er fyrsta bóluefnið gegn veirunni sem samþykkt er í Evrópu fyrir börn yngri en 16 ára. Áður höfðu lyfjastofnanir í Kanada og Bandaríkjunum veitt bóluefninu skilyrt markaðsleyfi.

Börn á þessum aldri sýndu mikið mótefnasvar við bóluefninu í tilraunum lyfjaframleiðandans og engar alvarlegar aukaverkanir komu upp.

Þetta er sagt munu hraða enn frekar bólusetningu í Evrópu og hafa heilbrigðisyfirvöld í Þýskalandi meðal annars tilkynnt að börn, 12 ára og eldri, verði bólusett í byrjun júní.

Heilbrigðismálaráðherra framkvæmdastjórnar Evrópusambandsins, Stella Kyriakides, segir að leyfisveitingin færi Evrópu skrefinu nær því að binda endi á kórónuveirufaraldurinn.

„Fremur en að það verði ákvörðun einstakra stjórnvalda í Evrópuríkjum verður það ákvörðun foreldra að bólusetja börn sín,“ segir Kyriakides á twittersíðu sinni.

Tengdar fréttir

Bólusetningar við Covid-19

„Það þarf að vinna mikinn fjölda upp“

• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“
• Ósennilegt að bólusetning orsaki tíðavandamál

» Fleiri tengdar fréttir

• 1 blogg um fréttina

Bloggað um fréttina

• Þórdís Björk Sigurþórsdóttir: Bólusetningaráróður í grunnskólum landsins!