Mun funda með Biden um Aukus-bandalagið
Setja bókamerki
Emmanuel Macron Frakklandsforseti mun ræða við Joe Biden Bandaríkjaforseta um Aukus-bandalagið bráðlega, en ráðherrar hans eru öskuillir út í aðildarríki bandalagsins yfir því hvernig mál hafa þróast.
Aðdragandinn er sá að Bretar, Bandaríkjamenn og Ástralir gengust í varnarbandalag sem rifti samningum Ástrala við Frakka um kaup á kafbátum. Utanríkisráðherra Frakklands, Jean-Yves Le Drian, sakaði ríkin um tvískinnung og trúnaðarbrest.
Mæta auknum umsvifum Kína
Með veru sinni í Aukus-bandalaginu fær Ástralía tækni til þess að starfrækja kjarnorkukafbáta. Þannig mun Ástralía geta mæta auknum umsvifum Kína við strendur Ástralíu.
„Við kölluðum heim sendiherra í Ástralíu og Bandaríkjunum til að meta stöðuna. Hvað varðar Bretland teljum við það óþarft. Við þekkjum endalausa tækifærismennsku þeirra,“ sagði Le Drian og lýsti Bretum sem þriðja hjólinu í bandalaginu.
Macron mun funda með Joe Biden forseta Bandaríkjanna á næstu dögum um málið að ósk Biden. Þar verður óskað eftir skýringum á framferði Ástrala og Bandaríkjamanna í þessu ferli.
Utanríkisráðherra Bretlands sagði bandalagið sýna fram á vilja Breta til þess að gæta hagsmuna ríkisins í alþjóðlegu samhengi.
Gígbarmurinn hækkað frá því í gær
Frambjóðendur skila inn listum í Hörpu
Kaldasti veturinn kom að óvörum
„Höfum ekki náð að skríða upp úr þeirri gryfju“
Banna mengandi búnað sem leyfður er á Íslandi
Krefjast stöðvunar framkvæmda
Sex hafa greinst með listeríu
Kostnaður meiri en milljón á fermetra