Ekki er hægt að flýta umsókn Úkraínu um aðild að Evrópusambandinu (ESB) þrátt fyrir innrás Rússa í landið, að sögn Olafs Scholz, kanslara Þýskalands. Hann greindi frá þessu í dag og bætti því við að Evrópusambandið þyrfti að finna „hraða og raunsæja“ leið til þess að koma Úkraínumönnum til aðstoðar. 

„Það er ekki mögulegt að stytta sér leið til Evrópusambandsins,“ sagði Scholz og bætti því við að undantekning fyrir Úkraínu væri ósanngjörn gagnvart ríkjum á Vestur-Balkanskaga sem einnig hafa sóst eftir aðild.

Frétt af mbl.is

Úkraína vill frátekið pláss í ESB

Vestur-Balkanskagaríkin eigi heima í Evrópu

Kanslarinn sagði að hann myndi mæta á ráðstefnu Evrópusambandsins í lok mánaðar „með skýr skilaboð um að Vestur-Balkanskagaríkin eiga heima í Evrópusambandinu.“

Þá kallaði Scholz eftir því að aðrar leiðir yrðu farnar til þess að hjálpa Úkraínu til skamms tíma og sagði að það væri forgangsmál að „styðja Úkraínu hratt og með raunsæjum hætti“.

Emmanuel Macron Frakklandsforseti hefur einnig sagt að það muni taka „áratugi“ fyrir land eins og Úkraínu til að fá aðild að Evrópusambandinu. Hann hefur sömuleiðis lagt til að stofnað verði víðtæk­ara evr­ópskt stjórn­mála­sam­fé­lag sem gæti þá náð til ríkja eins og Úkraínu eða Bret­lands eft­ir út­göngu þjóðar­inn­ar úr Evr­ópu­sam­band­inu. 

Tengdar fréttir

Úkraína

Leggjast gegn hernaðarstuðningi við Úkraínu

• Landbúnaðarráðherra Úkraínu handtekinn
• Hernaðaraðstoð samþykkt – Vopnasendingar í vikunni
• Aðstoðarvarnarmálaráðherra Rússa handtekinn
• Pólverjar reiðubúnir að geyma kjarnorkuvopn

» Fleiri tengdar fréttir

• Blogga um frétt