Bandarískir öldungadeildarþingmenn lögðu fram frumvarp seint í gær sem snýr að faraldri byssuofbeldis í landinu. Í frumvarpinu er að finna nýjar takmarkanir á meðhöndlun skotvopna og áætlun um að verja milljörðum dollara í geðheilbrigðismál og skólaöryggi. 

Talið er næstum því víst að fulltrúadeild bandaríska þingsins muni samþykkja frumvarpið í dag. Umbæturnar standast þó hvorki kröfur talsmanna um skotvopnaöryggi né kröfur Joes Bidens Bandaríkjaforseta. Þeim hefur samt sem áður verið fagnað sem byltingu eftir tæplega 30 ára aðgerðaleysi þingsins í þessum málaflokki. 

„Þessi tveggja flokka löggjöf mun hjálpa til við að vernda Bandaríkjamenn,“ sagði Biden í yfirlýsingu skömmu eftir atkvæðagreiðslu í öldungadeildinni. 

„Krakkar verða öruggari í skólum og samfélögum vegna þessa.“

50 demókratar og 15 repúblikanar samþykktu frumvarpið í öldungadeildinni. Þar er m.a. að finna ákvæði um ítarlegri bakgrunnsskoðun á fólki sem er undir 21 árs við kaup skotvopna.

Tengdar fréttir

Skotárás í Uvalde í Texas

Skotárásin í Uvalde: Lögregla brást

• O'Rourke mistókst að verða ríkisstjóri
• Sagt upp vegna viðbragða við skotárás
• Krefjast þess að lögreglumenn fari í leyfi
• Tæplega 400 lögreglumenn komu á vettvang

» Fleiri tengdar fréttir

• Blogga um frétt