Reknir starfsmenn beðnir að snúa aftur

Eftir að hafa sagt upp ríflega helmingi starfsmanna á föstudaginn hefur Twitter beðið tugi starfsmanna sem misstu störf sín að snúa til baka.

Frétt af mbl.is

Musk kynnir nýja Twitter-áskrift til leiks

Sumir þeirra sem fengu þessa óvenjulegu beiðni fengu uppsagnarbréf vegna mistaka, að sögn tveggja heimildarmanna Bloomberg.

Aðrir fengu reisupassann áður en stjórnendur áttuðu sig á því að störf þeirra og reynsla gætu verið nauðsynleg til að byggja upp það sem forstjórinn nýi, Elon Musk, sér fyrir sér.

Twitter sagði upp næstum 3.700 manns í síðustu viku með tölvupóstum til að draga úr kostnaði í kjölfar yfirtöku Musks á samfélagsmiðlinum.

Haraldur Þorleifsson. mbl.is/Eggert Jóhannesson

Tíst frá Haraldi

Haraldur Þorleifsson, stjórnandi hjá Twitter, sendi frá sér tíst á laugardaginn þar sem hann spurði hvort einhver vildi ráða hönnuði. Hann sagðist þekkja suma af þeim bestu í bransanum og að þeir væru í leit að nýju starfi.

• Blogga um frétt