„Ég svaf ekkert í alla nótt,“ sagði Joana Magus, íbúi í pólska þorpinu Przewodow, þar sem tveir menn fórust í sprengingu af völdum eldflaugar í gærkvöldi.
Ekki er búið að staðfesta hvaðan eldflaugin kom en vestrænir leiðtogar telja líklegt að hún hafi komið úr úkraínsku eldflaugavarnarkerfi.
Eldflaugin lenti á svæði þar sem korn er þurrkað, um sex kílómetra frá úkraínsku landamærunum.