Serbar fjarlægja vegatálma í Kósovó
Setja bókamerki
Svo virðist sem spennan á milli Serbíu og Kósovó hafi minnkað örlítið en Serbía ákvað í dag að fjarlægja vegatálma sem Serbar í norðurhluta Kósovó settu upp við landamæri landanna þann 10. desember.
Fréttastofa BBC greinir frá þessu.
Serbar búsettir í Kósovó settu upp vegatálmana til að mótmæla handtöku fyrrverandi lögregluþjóns sem var grunaður um að hafa tengst árás á lögregluþjóna af albönskum uppruna. Serbneska lögregluþjóninum var sleppt úr haldi í gær.
Áttu fund með forseta Serbíu
Ákvörðun um að taka niður vegatálmann var tekin eftir að serbneskir mótmælendur áttu fund með forseta Serbíu Aleksandar Vucic.
Tilkynnt er um ákvörðunina aðeins nokkrum dögum eftir að her Serbíu lýsti yfir að hersveitir væru í hæstu viðbragðsstöðu.
Kósovó sem er að mestu af albönskum uppruna skildi sig frá Serbíu árið 1998 og lýsti yfir sjálfstæði árið 2008. Allar götur síðan hefur spennan á milli ríkjanna farið vaxandi. Serbía viðurkennir ekki sjálfstæði Kósovó og Serbar í Kósovó gera það ekki heldur.
Skar höfuðleðrið af íslenskri konu
Gígbarmurinn hækkað frá því í gær
Handteknir eftir myndatöku í Vesturbæjarlaug
Shakespeare fannst í skókassa
Kostnaður meiri en milljón á fermetra
Banna mengandi búnað sem leyfður er á Íslandi
Vonast til að tjaldbúðir við HÍ standi áfram