Samræmd lögregluaðgerð fór fram í sjö ríkjum Þýskalands í morgun þar sem sjóninni var beint að aðgerðasinnum í loftslagsmálum sem kalla sig „Letzte Generation”, eða Síðasta kynslóðin.
Hópurinn hefur verið umdeildur vegna vegalokana þar sem mótmælendur hafa límt sig fasta við götuna.
Lögregluaðgerðin var fyrirskipuð vegna rannsóknar á sjö manns á aldrinum 22 til 38 ára vegna gruns um „að búa til eða styðja glæpasamtök”, að því er kemur fram í sameiginlegri yfirlýsingu lögreglunnar og saksóknara.