Fyrir tæpu einu ári tók Verkamannaflokkurinn völdin á þinginu í Canberra með einstaklega glæsilegum kosningasigri og þarf flokkurinn lítt eða ekki á stuðningi annarra flokka eða óháðra að halda til að ná málum fram.
Samsteypustjórn Frjálslynda flokksins og Þjóðernissinna hafði þá verið við völd í þrjú kjörtímabil eða samfleytt í níu ár (2013-2022); kjörtímabilið er aðeins þrjú ár hér í Ástralíu. Sú níu ára saga er merkileg að mörgu leyti og er skráð í þremur bókum af Niki Savva, sem er áströlsk, pólitískur greinahöfundur og frægur álitsgjafi um áratugaskeið.[ii]
Nýi forsætisráðherrann heitir Anthony Albanese, kallaður Albo, geðþekkur, fullorðinn maður, þrautreyndur í stjórnmálum eftir áratuga baráttu fyrir kjörum verkafólks. Var hann alinn upp hjá einstæðri móður og kynntist kröppum kjörum af eigin raun. Albanese hefur verið formaður Verkamannaflokksins frá 2019.
Nánari umfjöllun er að finna í Morgunblaðinu í dag.