Komist að sátt í nauðgunarmáli

Óskarsverðlaunahafinn Cuba Gooding Jr. hefur komist að sátt við ákæranda sinn fyrir utan dómsstóla. Gooding Jr. var ákærður fyrir nauðgun af ónafngreindri konu, sem segir hann hafa brotið á sér tvisvar á hótelherbergi í New York árið 2013.  

Frétt af mbl.is

Cuba Gooding Jr. sakaður um nauðgun

Samkvæmt BBC liggur ekki fyrir hverjir skilmálar sáttmálans séu. Upphafleg krafa stefnenda í málinu fór fram á sex milljónir bandaríkjadala í skaðabætur, eða um 844 milljónir krónur.

Áætlað var að þrjár konur, sem áður hafa ásakað Gooding Jr. um áreitni, myndu bera vitni í málinu þar sem dómari taldi framburð þeirra svipaðan framburði stefnenda.  

Fjöl­marg­ar kon­ur hafa sakað Gooding Jr. um kyn­ferðis­lega áreitni, en málið sem um ræðir er eina nauðgunarákæran sem lögð hefur verið á hendur honum. Leikarinn hefur áður verið sakfelldur fyrir að kyssa konu gegn vilja hennar og var honum dæmt að gangast undir sex mánaða áfengis- og atferlismeðferð.

• Blogga um frétt