Ekki tókst að ganga frá frumvarpi um þjóðaratkvæði vegna frumvarps um eignarhald á fjölmiðlum á fundi ríkisstjórnarinnar sem hófst klukkan 14. Tæpum stundarfjórðungi seinna gengu ráðherrar Framsóknarflokksins af fundi og hurfu út úr stjórnarráðinu. Halldór Ásgrímsson utanríkisráðherra sagði við það tækifæri að áfram yrði unnið í málinu fram eftir degi. Ráðherrar sjálfstæðisflokksins sitja áfram inni í fundarherbergi ríkisstjórnarinnar.

Halldór Ásgrímsson sagði að verið væri að vinna í málinu. Frumvarp um þjóðaratkvæðagreiðslu væri ekki endanlega tilbúið, m.a. þar sem þeir Davíð Oddsson hefðu báðir verið í útlöndum. Sagðist hann ekki vilja tala um ágreining og bað menn um að sýna þolinmæði meðan haldið væri áfram að fullvinna frumvarpið.

Ríkisstjórnarfundur hafði verið boðaður klukkan 10:30 í morgun en var frestað á síðustu stundu til klukkan 14.

Tengdar fréttir

Eignarhald á fjölmiðlum

Ólafur Ragnar staðfestir nýtt fjölmiðlafrumvarp

• Fjölmiðlalögin komin til forsætisráðuneytisins
• Ánægja með niðurstöðuna í þingflokki Framsóknarflokksins
• Boðar tillögur um afgreiðslu fjölmiðlafrumvarpsins á morgun
• Helgin verður notuð til úrvinnslu gagna

» Fleiri tengdar fréttir

• Blogga um frétt