Guðrún Margrét Pálsdóttir, hjúkrunarfræðingur og einn af stofnendum ABC hjálparstarfs, hefur ákveðið að gefa kost á sér í embætti forseta Íslands en hún hyggst tilkynna formlega um framboðið á Grand Hóteli í Reykjavík klukkan 12:30 í dag.

Fram kemur í fréttatilkynningu að ákvörðunin hafi verið tekin fyrr á þessu ári í kjölfar þess að hún hafi verið spurð að því hvers vegna hún byði sig ekki fram. Hún hafi fyrst í stað vísað því á bug en síðan farið að velta því fyrir sér. Meðal annars í kjölfar þess að eiginmaður hennar tók undir hvatningu til þes að gefa kost á sér í forsetaembættið.

„Áherslumál mín verða að við stöndum saman og hjálpumst að sem þjóð og förum hamingjuleiðina, þ.e. að við hlúum að rótum okkar og vöxum í trú, von og kærleika. Velferð þjóðarinnar skiptir mig miklu máli. Ég hef áratuga reynslu í að láta gott af mér leiða og mun gera það sem í mínu valdi stendur til að stuðla að bættum kjörum þeirra sem búa við skort á þessu landi nái ég kjöri,“ segir ennfremur.

Þá segir að söfnun meðmælenda gangi vel og hafi þegar safnast nær eitt þúsund meðmælendur.

Tengdar fréttir

Forsetakosningar 2016

„Kom aldrei til greina að gera lag“

• Eldra fólkið kýs frekar
• Framboð Davíðs kostaði 27,7 milljónir
• Framboð Guðna kostaði 25 milljónir
• Fyrsta heimsóknin hafin

» Fleiri tengdar fréttir

• Blogga um frétt