Búið er að opna Hvalfjarðargöngin á ný. Samkvæmt upplýsingum frá Speli voru göngin opnuð um klukkan 17:20 og er afar mikil umferð í gegnum þau. Loka þurfti göngunum fyrr í dag vegna alvarlegs umferðarslyss.
Samkvæmt upplýsingum frá lögreglunni er störfum lögreglu og annarra viðbragðsaðila lokið á slysavettvangi.
Einn af þeim fimm sem lentu í hörðum árekstri þegar jeppi og fólksbifreið skullu saman í göngunum um klukkan tvö í dag lést á vettvangi.
Frétt mbl.is - Banaslys í Hvalfjarðargöngum