Konan, sem lést í bílslysi í Hvalfjarðargöngum á sunnudaginn, hét Ingrún Ingólfsdóttir. Hún var 67 ára hjúkrunarfræðingur, búsett í Hafnarfirði, og lætur hún eftir sig eiginmann og þrjú uppkomin börn.
Ingrún var farþegi í fólksbifreið sem var á norðurleið þegar slysið varð.
Samkvæmt upplýsingum frá sjónarvotti skullu fólksbifreiðin og jeppi sem var á suðurleið saman er jeppinn fór yfir á rangan vegarhelming. Í jeppanum var ökumaður ásamt tveimur farþegum en í fólksbílnum ökumaður og farþegi.
Fjórir einstaklingar sem fluttir voru á Landspítalann í kjölfar slyssins voru útskrifaðir af gjörgæslu í gær, samkvæmt upplýsingum frá Landspítalanum. Þeir eru á sjötugs- og áttræðisaldri.