Önnur sjúkrahús geta takmarkað hjálpað

Heilbrigðisstofnanir í nágrenni Reykjavíkur geta lítið gert til að létta ...
Heilbrigðisstofnanir í nágrenni Reykjavíkur geta lítið gert til að létta á álaginu á Landspítalanum. mbl.is/Árni Sæberg

Heilbrigðisstofnanir í nágrenni Reykjavíkur geta að afar takmörkuðu leyti veitt aukna þjónustu, líkt og kveðið er á um í aðgerðaáætlun Landspítalans sem virkjuð var um mánaðamótin vegna ástandsins sem skapast hefur vegna kjaradeilu ljósmæðra og ríkisins.  

Það er aðeins Heilbrigðisstofnun Vesturlands á Akranesi (HVE) sem getur sinnt bráðaþjónustu, en þar eru kvensjúkdóma- og fæðingarlæknir á vakt allan sólarhringinn og aðgangur að skurðstofu. Allar konur í áhættumeðgöngu eru hins vegar sendar á Landspítalann. Ástandið á HVE er þó líka erfitt vegna sumarfría og lokunar deilda. Staðan á Heilbrigðisstofnun Suðurnesja (HSS) er þannig að það er hvergi nærri næg mönnun til að keyra venjulega starfsemi á þessum árstíma, hvað þá annað. Þar eru fjórar ljósmæður af átta búnar að segja upp störfum. Þá eru ekki mörg pláss í sængurlegu á Heilbrigðisstofnun Suðurlands á Selfossi (HSU) og lítið bolmagn til aukinnar þjónustu.

„Við höfum ekki mikið bolmagn þessar vikurnar“

Jóhanna Jóhannesdóttir, forstjóri HVE, segir stofnunina reyna að veita aðstoð þegar rólegt er hjá þeim, en það sé metið hverju sinni.

HVE hafi til að mynda geta hjálpað til með svokallaða valkeisara, en þá er um að ræða keisaraskurði sem ákveðnir eru fyrir fram og tímasettir. „Þau leita til okkar ef það er eitthvað og þá reynum við að verða við því. En ef það er einhver toppur hér þá er það ekki hægt. Við höfum ekki mikið bolmagn þessar vikurnar,“ segir Jóhanna.

HSU gaf vilyrði fyrir því að taka við konum af ...
HSU gaf vilyrði fyrir því að taka við konum af Suðurlandi, sem hafa fætt á Landspítalanum, ef pláss er í sængurlegu. mbl.is/Guðmundur Karl

„Verklagið er þannig að það er haft samband á milli deildanna hér og deildanna á Landspítalanum og það er skoðað frá degi til dags. Það er ekki hægt að ákveða neitt langt fram í tímann. Þessi tími er erfiður fyrir okkur þar sem sumarfríin eru í hámarki og auk þess eru tvær deildir reknar saman hjá okkur vegna viðgerða, þannig við erum með færri rúm en oft áður. Við erum því með algjöra lágmarksmönnun.“

Taka við konum af Suðurlandi ef hægt er

Heilbrigðisstofnun Suðurlands á Selfossi (HSU) er svokallaður D-fæðingarstaður, ljósmæðrarekin eining án lækna, og getur því ekki sinnt bráðaþjónustu líkt og HVE. Þá hefur HSU lítið bolmagn til að bæta við sig konum í sængurlegu.

„Það sem ég gaf vilyrði fyrir í þessari aðgerðaáætlun var raun og veru bara að taka við konum af okkar svæði, sem fæða á Landspítalanum, og ef ég er með pláss í sængurlegu. En ég er ekki með mörg pláss yfir höfuð. Svo þarf að vera ljósmóðir á vakt. Það er því ekki svo mikið sem við getum tekið,“ segir Sigrún Kristjánsdóttir, yfirljósmóðir á HSU, í samtali við mbl.is.

HVE hefur getað létt undir með valkeisaraskurðum, en bolmagnið til ...
HVE hefur getað létt undir með valkeisaraskurðum, en bolmagnið til að aðstoða er ekki mikið. mbl.is/Sigurður Bogi

„Við tökum á móti konum í fæðingu sem hafa átt eðlilega meðgöngu og eru í eðlilegri fæðingu, ekki með neina fylgikvilla eða áhættuþætti sem gera það að verkum að þær mega ekki fæða hjá okkur. Við gætum ekki tekið við konum eða börnum sem væru veik því við erum ekki með sérfræðinga á bak við okkur. Það væru bara heilbrigðar konur sem væru að fara í heimaþjónustu til ljósmæðra hvort eð er. Þær þá koma kannski aðeins við hér, sem þær myndu annars ekki gera. Það er það eina sem hægt er að brúa hjá okkur.“

Sigrún segir það því mjög takmarkað sem HSU geti gert, þrátt fyrir að í aðgerðaáætlun Landspítalans sé tekið fram að samið hafi verið um að heilbrigðisstofnunin veiti aukna þjónustu.

Hún segir stöðuna sem komin er upp mjög sorglega. „Þrátt fyrir að við finnum ekki eins mikið fyrir þessu og Landspítalinn, þá er þetta öllum ljósmæðrum mjög þungt.“

Fjórar af átta ljósmæðrum búnar að segja upp

Heilbrigðisstofnun Suðurnesja (HSS) er einnig ljósmæðradrifin eining, líkt og HSU. Fæðingardeildinni þar hefur verið lokað yfir sumartímann síðustu ár, en til stóð að hafa hana opna í sumar. Það hefur ekki gengið sem skyldi og takmarka þarf þjónustuna frá og með næstkomandi föstudegi.

„Við reynum að aðstoða eins og við getum en við erum sjálfar undirmannaðar. Frá næsta föstudegi erum við með skerta þjónustu vegna undirmönnunar og sumarfría. Þá verður bara opið til 10 á kvöldin og lokað um helgar. Þannig að við getum lítið hjálpað. Við reynum þó að koma til móts eins og hægt er,“ segir Jónína. Birgisdóttir, yfirljósmóðir á HSS.

Fjórar af átta ljósmæðrum á HSS hafa sagt upp störfum. ...
Fjórar af átta ljósmæðrum á HSS hafa sagt upp störfum. Uppsagnirnar taka gildi 1. september. mbl.is/Helgi Bjarnason

Frá og með föstudeginum þarf að senda allar fæðandi konur frá Suðurnesjum til Reykjavíkur, nema þær séu einfaldlega komnar af stað í fæðingunni. „Ástandið er slæmt á Landspítalanum þannig ég veit ekki hvernig þetta verður.“

Halldór Jónsson, forstjóri HSS, segir starfsfólk heilbrigðisstofnana hafa hist á Landspítalanum fyrir nokkrum dögum og fundað vegna aðgerðaáætlunarinnar. Þar hafi strengir verið stilltir saman eins og hægt var. Það sé mikill vilji til að hjálpa en mannekla takmarki getuna til þess.

„Stofnunin, hvort sem það ljósmæðravakt eða annað, hefur vaxið fram um það að geta almennt orðið til hjálpar og tekið við sjúklingum frá Landspítala eða hvort það er frá einhverjum öðrum deildum, sem þurfa þá að klára legu sína til hér,“ segir Halldór, en hann veit líka til þess að konur hafi klárað sængurlegu á HSS síðustu daga. „Það er ekki bara Landspítalinn sem þrengir að, það þrengir að öðrum líka. Þessi eining hér er mjög lítil, það eru átta ljósmæður starfandi. Fjórar af þeim eru búnar að segja upp og það kemur til framkvæmda 1. september.“

Líkt og áður sagði hefur fæðingardeildinni á HSS verið lokað yfir sumartímann en í ár var tekin ákvörðun um að reyna að hafa opið þessar fjórar til sex vikur sem um ræðir. „Við hugsuðum fyrir því inn í okkar áætlanagerð en það fékkst ekki fólk til starfa. Engu að síður var ákveðið að reyna að halda meiri þjónustu gangandi í sumar en áður en sá þáttur er meira og minna að hrynja. Við erum öll að vilja gerð, en fólkið getum við ekki klónað frekar en aðrir.“ Halldór segir mönnunina hvergi nærri næga til að keyra venjulega starfsemi á þessum árstíma, ef verða eigi við einhverjum hluta þeirra fría sem fólk á rétt á að taka.

mbl.is

Innlent »

„Bullandi menning í hverjum firði“

22:15 „Það er frábær stemning í bænum og spennan er í hámarki. Ég er búinn að vera hérna síðustu tvær vikurnar og það er búið að vera stemning í bænum allan þennan tíma,“ segir rokkstjóri hátíðarinnar Aldrei fór ég suður, Kristján Freyr Halldórsson, í samtali við mbl.is. Meira »

Íris í auglýsingu Bernie Sanders

21:52 Ferðalag um Gvatemala leiddi til þess að Íris Gunnarsdóttir kemur fyrir í auglýsingu Bernie Sanders, frambjóðanda í forvali Demókrataflokksins. „Þetta er bara svolítið súrrealískt,“ segir hún um hvernig það er að bregða fyrir í auglýsingunni sem snýr að upplifun kvenna af opinberu heilbrigðiskerfi. Meira »

Búllan skýtur rótum í Noregi

21:00 Hamborgarabúllan við Torggötu er steinsnar frá Dómkirkjunni í Ósló. Innan um plaköt af poppgoðum má þar finna ýmislegt sem minnir á Ísland. „Grundvallaratriði er að gera borgarana eins og Tommi hefur kennt okkur. Við höfum sett sálina aftur í reksturinn,“ segir veitingamaðurinn Christopher Todd. Meira »

Gylfi ekki ákærður fyrir hatursorðræðu

20:08 Lögreglustjórinn á Suðurlandi hefur fellt niður mál á hendur tónlistarmanninum Gylfa Ægissyni. Samtökin 78 kærðu Gylfa og nokkra aðra fyrir hatursorðræðu árið 2015. Greint var frá þessu í kvöldfréttum RÚV sem segir fram koma í bréfi lögreglustjóra að málið þyki ekki líklegt til sakfellingar. Meira »

Uppselt varð á Tvíhöfða á 65 mínútum

18:21 Á 65 mínútum varð uppselt á sýningu Tvíhöfða sem fer fram í kvöld í Ísafjarðarbíói, segir Kristján Freyr Halldórsson, rokkstjóri hátíðarinnar Aldrei fór ég suður, í samtali við mbl.is. „Það verður bara ein sýning, því miður, því síminn stoppar ekki,“ segir hann. Meira »

Þekkingarleysi á skyldum lögreglu

17:45 Staðir þar sem fíklar geta nálgast hreinar sprautunálar og aðra þjónustu eru ekki undir sérstöku eftirliti lögreglu, en eru þó „enginn griðastaður“ hvað eftirlit laga og reglna varðar. Nýtt frumvarp heilbrigðisráðherra um neyslurými, sem er til umsagnar hjá Alþingi fékk harða umsögn lögreglu. Meira »

Blaðamenn búa víða við ótta

17:27 Ísland er í fjórtánda sæti á lista yfir fjölmiðlafrelsi í ríkjum heim, samkvæmt nýjum matskvarða Blaðamanna án landamæra, The World Press Freedom Index. Ísland fer niður um eitt sæti á milli ára. Meira »

Í gæsluvarðhald með falskt vegabréf

17:00 Landsréttur staðfesti í gær úrskurð héraðsdóms Reykjavíkur um gæsluvarðhald yfir manni sem var handtekinn á þriðjudag er hann notaði falsað skilríki í banka. Kom þá í ljós að maðurinn var eftirlýstur og með endurkomubann og var hann úrskurðaður í gæsluvarðhald til 24. apríl. Meira »

Aftur lokað að Dettifossi

16:36 Aftur er búið að loka fyrir umferð að Dettifossi og nú vegna asahláku á svæðinu. Greint var frá því í morgun að búið væri að opna fyrir umferð um Detti­foss­veg frá Þjóðvegi 1 og norður að foss­in­um, en lokað hafði verið frá því á mánudag. Meira »

Óánægja með viðtöl Bandaríkjamanna

14:05 Flugfarþegi lýsti í dag óánægju sinni með framgöngu manna í brottfararsal Flugstöðvar Leifs Eiríkssonar í Facebook-hópnum Bakland ferðaþjónustunnar. Mennirnir tveir spurðu fólk spurninga um það hvert það hygðist ferðast. Meira »

Líf og fjör í páskaeggjaleit K100

12:49 Fjölmargir, ungir sem aldnir, litu við í Hádegismóum í dag þar sem fram fór páskaeggjaleit útvarpsstöðvarinnar K100. Líf og fjör var í leitinni og gestirnir nutu útivistarinnar til hins ýtrasta. Boðið var upp á veitingar fyrir alla. Meira »

Stormur sökk í Reykjavíkurhöfn

12:19 Lítill bátur með utanborðsmótora sem ber nafnið Stormur sökk í Reykjavíkurhöfn í gær. Unnið er að því að ná honum upp úr höfninni. Meira »

Göngunum lokað vegna mengunar

11:50 Loka þurfti fyrir umferð um Hvalfjarðargöng fyrr í morgun sökum þess að mengun í göngunum fór upp fyrir leyfileg mörk. Búið er að opna göngin aftur, en samkvæmt starfsmanni Vegagerðarinnar sem mbl.is ræddi við má búast við því að þetta gerist af og til um helgina. Meira »

Búið að opna að Dettifossi

10:50 Búið er að opna fyrir umferð um Dettifossveg frá Þjóðvegi 1 og norður að fossinum. Þetta kemur fram á Facebook-síðu Vatnajökulsþjóðgarðs. Aðstæður á gönguleiðum við fossinn eru þó sagðar „vægast sagt fjölbreyttar“. Meira »

Tímaferðalag Ævars á svið

10:00 Ævar Þór Benediktsson hefur samið við Þjoðleikhúsið um að ný gerð af Þínu eigin leikriti verði frumsýnd á næsta leikári í leikstjórn Stefáns Halls Stefánssonar. Nýja leikritið verður byggt á bók Ævars Þitt eigið ævintýri – Tímaferðalag. Meira »

Skíðafærið á skírdag

09:24 Þrátt fyrir að skíðasnjó sé því miður ekki lengur að finna á suðvesturhorni landsins og búið sé að loka Bláfjöllum og Skálafelli endanlega þennan veturinn, er enn eitthvað af skíðasnjó í brekkunum fyrir norðan, austan og vestan. mbl.is tók saman stöðuna. Meira »

Sprett úr skíðaspori á Ísafirði í aðdraganda páskanna

09:07 Gleðin skein úr hverju andliti á Ísafirði í gær þegar sprettskíðaganga Craftsport hófst, en gangan markaði upphaf hinnar árlegu skíðaviku á Ísafirði. Meira »

250 þúsund króna munur vegna aldurs

08:18 Um 250 þúsund króna munur getur verið á ábyrgðartryggingu ökutækis á milli tryggingarfélaga, miðað við tilboð sem ungur ökumaður fékk í ökutækjatryggingu frá tveimur tryggingarfélögum. Meira »

Ekki gerðar tímakröfur á flugmenn

08:13 Þegar Icelandair ræður flugmenn til starfa er ekki gerð grunnkrafa um tiltekinn fjölda flugtíma, heldur hafa þær kröfur með tímanum vikið fyrir öðruvísi kröfum. Meira »
Einstakt vortilboð - 14,44 fm Garðhús - kr. 375.900,-
Naust er bjálkahús úr 34mm bjálka með tvöfaldri nót. Húsið er 3,8m x 3,8m og er...
Gefins - áttu klink sem þú mátt missa?
Kattholt þiggur með þökkum smámynt (hvaðan sem er). Þetta fer til að fjármagna...
Húsgagnaviðgerðir og bólstrun
Ég tek að mér viðgerðir og bólstrun á gömlum og nýjum húsgögnum. Starfsemin fer ...