Rannsókn máls þar sem ráðist var á tvo dyraverði fyrir utan skemmtistaðinn Shooters aðfaranótt sunnudags miðar vel. Aðstoðaryfirlögregluþjónn staðfestir að annar mannanna hafi orðið fyrir alvarlegum meiðslum.

Fram kom í gærkvöldi að óttast er að annar dyravörðurinn hafi orðið fyrir mænuskaða en hinn meiddist lítið. Margeir Sveinsson aðstoðaryfirlögregluþjónn sagðist ekki getað staðfest annað en að afleiðingarnar væru miklar fyrir þann sem fór verr út úr árásinni.

Frétt af mbl.is

Óttast að dyravörður sé mænuskaddaður

Tveim­ur árás­ar­mann­anna hafði verið vísað frá skemmti­staðnum en sneru aft­ur skömmu síðar með liðsauka og veitt­ust að tveim­ur dyra­vörðum á staðnum.

Mennirnir fjórir sem voru handteknir eru íslenskir ríkisborgarar. Þeir hafa verið úrskurðaðir í tveggja vikna gæsluvarðhald.

Frétt af mbl.is

Grunaðir um grófa líkamsárás á dyravörð

Margeir segir rannsókn málsins miða vel. Lögregla sé að afla upplýsinga, bæði með því að skoða upptökur og einnig með því að ræða við vitni.

Uppfært kl. 12:24:

Margeir Sveinsson aðstoðaryfirlögregluþjónn staðfesti í samtali við Vísi að samkvæmt bráðabirgðaniðurstöðu lækna hlaut maðurinn mænuskaða.

Tengdar fréttir

Árás á dyraverði við Shooters

Fimm ára dómur í Shooters-máli staðfestur

• „Mun marka líf brotaþola það sem eftir“
• Fimm ára dómur í Shooters-máli
• Fer fram á þunga refsingu í Shooters-máli
• Segir Artur hafa hrint sér

» Fleiri tengdar fréttir

• Blogga um frétt