Mikilvægt að skilja við fortíð málsins

Ragnar sagði ekkert að marka játningar Guðjóns Skarphéðinssonar, enda væru ...
Ragnar sagði ekkert að marka játningar Guðjóns Skarphéðinssonar, enda væru þær metnar falskar samkvæmt sálfræðimati. mbl.is/Hari

„Það er afar mikilvægt að í þessum dómi verði skilið við fortíð þessa máls, tekið verði á mistökum og þau viðurkennd,“ sagði Ragnar Aðalsteinsson, lögmaður Guðjóns Skarphéðinssonar, í málflutningi sínum við endurupptöku Guðmundar- og Geirfinnsmálsins í Hæstarétti í dag.

Guðjón hlaut tíu ára dóm í Hæstarétti árið 1980 fyrir að hafa banað Geirfinni Einarssyni í nóvember árið 1974, ásamt Sævari Cieselski og Kristjáni Viðari Viðarssyni sem einnig hlutu þunga dóma í málinu.

Ragnar sagði dómsmorð hafa verið framið á dómfelldu í málinu á sínum tíma. Ef dómurinn tæki á málinu nú myndi það hafa áhrif á réttlæti fyrir dómstólum í landinu og auka virðingu. En sú sérstaka staða er uppi í málinu að bæði ákæruvaldið og verjendur krefjast sýknu. Það er hins vegar alltaf á valdi Hæstaréttar hvort sýknukrafan verði tekin til greina eða ekki.

Samkvæmt sálfræðimati er játning Guðjóns í málinu talin vera fölsk. Ragnar sagði sök hafa verið fellda á skjólstæðing sinn eingöngu með framburði og játningum annarra, sem aflað hefði verið með ólöglegum hætti. Ekki hefðu nein sönnunargögn verið til staðar í málinu.

Rannsakendur sögðu dómfelldu strax seka

Sagðist Ragnar telja að rannsóknin hefði byggst á því að leiða áfram frá frásagnir sem lögreglan bjó til. Ekkert hefði bent til þess að skjólstæðingur hans eða aðrir dómfelldu í málinu hefðu verið í Keflavík þegar Geirfinnur á að hafa horfið þaðan. Þvert á móti hefðu  verið sterkar vísbendingar um annað. Sagði Ragnar þetta skýra hve langan tíma tók að reka málið. Eina leiðin hefði verið að þvinga fram játningar ólöglegan hátt. Þá hefði verjendum verið meinað að sækja dómþing annarra en skjólstæðinga sinna í málinu og því hefði ekki komið fram raunhæf vörn.

Þá benti Ragnar á að í ákæru hefði hlutur hvers og eins í málinu ekki verið skilgreindur og það hefði því verið óljóst í huga ákæruvaldsins hvenær atburðirnir áttu sér stað.

„Saklaus er hver maður uns sekt hans er sönnuð,“ benti Ragnar á en sagði þá reglu hafa verið brotna frá fyrsta degi við rannsókn málsins. Allir þeir sem komu að rannsókninni hefðu talið dómfelldu seka og beinlínis fullyrt það. Ákæruvaldinu hefði þó aldrei tekist að sanna sekt þeirra. Atburðir hefðu hins vegar verið tengdir saman með ágiskunum og öll atvik skýrð ákæruvaldinu í hag.

Allt fram yfir 15 daga einangrun er stórhættulegt

Ragnar sagði það hafið yfir allan skynsamlegan vafa að Guðjón hefði gefið falska játningu í málinu. Dagbækur Guðjóns, sem hann hélt í gæsluvarðhaldinu, eru meðal gagna í málinu en þar skrifaði hann um meðferðina sem hann mátti þola og óhóflega lyfjagjöf þar sem fangaverðir skömmtuðu lyfin en ekki læknar. Ragnar sagðist telja að Guðjón hefði í raun ekki játað neitt þó að Hæstiréttur hefði gengið út frá því á sínum tíma.

Hann sagði langvarandi gæsluvarðhald og einangrun vera pyntingu í sjálfu sér. Allt fram yfir 15 daga einangrun væri stórhættulegt, hvað þá 90 eða 100 daga. Dæmi væru um að menn játuðu á sig glæpi sem þeir hefðu ekki framið eftir aðeins nokkrar klukkustundir í einangrun.

Hann benti á að verjandi skjólstæðings síns hefði ekki alltaf fengið að vera viðstaddur yfirheyrslur og að spurningar hefðu ekki verið bókaðar.

Ragnar sagði að þar sem játning Guðjóns væri fölsk væri ekkert að marka hana. Hann færi því ekki eingöngu fram á að skjólstæðingur hans yrði sýknaður heldur að hann væri saklaus. Það yrði að horfast í augu við það þrátt fyrir að sami dómstóll hefði dæmt hann á sínum tíma.

mbl.is

Bloggað um fréttina

Innlent »

Fresta orkupakkanum til vors

Í gær, 23:00 Guðlaugur Þór Þórðarsson, utanríkisráðherra segir að vegna gagnrýnisradda ætli ríkisstjórnin að fresta því að leggja fram frumvarp um þriðja orkupakkann fram á vor. Tímann muni sérfræðingar nota til að fara yfir samninginn. Meira »

„Það er allt í vitleysu hérna“

Í gær, 22:55 Vigdís Hauksdóttir, borgarfulltrúi Miðflokksins, er ekki sátt við núverandi skipan mála varðandi fundi borgarráðs. Hún fjallar um málið á Facebook-síðu sinni og fær þar m.a. viðbrögð frá borgarfulltrúa Flokks fólksins sem segist enn vera „fokill“. Meira »

120 milljónir til eflingar byggða

Í gær, 22:21 120 milljónum króna var úthlutað til sértækra verkefna sem efla eiga byggðir landsins. Sigurður Ingi Jóhannsson, samgöngu- og sveitarstjórnarráðherra, undirritaði í dag samninga við landshlutasamtök sveitarfélaga um níu verkefnastyrki sem veittir eru á grundvelli stefnumótandi byggðaáætlunar. Meira »

Notalegt rok og rigning um helgina

Í gær, 22:10 Veðrið um helgina verður það sem á mannamáli heitir rok og rigning víða um land, segir Haraldur Eiríksson vakthafandi veðurfræðingur á Veðurstofunni. Á morgun gengur í suðaustanhvassviðri eða -storm, 15-23 m/s. Meira »

Boðið inn af ókunnri „stúlku“

Í gær, 21:15 „Það er ekkert mál fyrir ofbeldismenn að hafa samband við unga krakka á Instagram,“ segir Arnrún Bergljótardóttir, sem lenti í miður skemmtilegri reynslu í London á dögunum þegar stúlka, að því er virtist, hafði samband við hana í gegn um samfélagsmiðilinn. Meira »

Hafa selt yfir 500 hjól á fyrsta árinu

Í gær, 20:52 Fyrir rúmlega ári síðan hóf íslenski hjólaframleiðandinn Lauf að selja malarhjól undir eigin merkjum. Viðtökur fagtímarita hafa verið gríðarlega góðar og er salan komin vel af stað. Á næsta ári ætlar fyrirtækið að kynna nýtt hjól. Meira »

Segir sig úr stjórn Vinnslustöðvarinnar

Í gær, 20:15 Magnús Helgi Árnason hefur sagt sig úr stjórn Vinnslustöðvarinnar. Þetta kemur fram á vef útgerðarinnar, en þar segir að hann hafi sagt sig úr stjórninni í kjölfar fundar hennar, þar sem fyrir lá tillaga um að boða til hluthafafundar og afgreiða tillögu um vantraust á hendur honum. Meira »

Óvíst hvort viðgerð á Fjordvik borgi sig

Í gær, 19:36 Ekki er víst hvort gert verði við flutningaskipið Fjordvik að fullu. Það er komið á þurrt land í Hafnarfjarðarhöfn. Bráðabirgðaviðgerð á skipinu hefst að líkindum á næstu dögum en í dagsbirtu á morgun mæta eigendur og tryggingarfélög á staðinn og meta stöðuna. Meira »

90 milljónir til að styrkja starf Barnaverndar

Í gær, 19:06 Fjölga á stöðugildum Barnaverndar um fjögur og setja tvær fagskrifstofur á laggirnar samkvæmt tillögu velferðarráðs og barnaverndarnefndar sem Borgarráð samþykkti á fundi sínum í dag. Er aðgerðunum ætlað að styrkja starfsemi Barnaverndar Reykjavíkur og nemur áætlaður kostnaður við þær um 90 milljónum króna. Meira »

Enginn náði að stöðva skákmanninn Hilmi

Í gær, 18:55 Skákmaðurinn Hilmir Freyr Heimisson sigraði á alþjóðlega ungmennaskákmótinu Uppsala Young Champions í Svíþjóð, sem lauk fyrr í nóvember, en hann hefur rokið upp stigalistann að undanförnu og er nú meðal 20 stigahæstu skákmanna á Íslandi, aðeins 17 ára gamall. Meira »

Ekki gjaldgeng í leik án íslenskunnar

Í gær, 18:40 Íslensk börn eru líklegri til að leika við hvert annað, og börn af erlendum uppruna eru líklegri til að leika frekar við önnur börn af erlendum uppruna. Jóhanna Einarsdóttir, prófessor í menntunarfræðum, segir að svo virðist sem börnin séu ekki gjaldgeng í leiknum hafi þau tungumálið ekki á hreinu. Meira »

Markmiðið skilaði 1.000 km og 315 edrú dögum

Í gær, 18:38 Tómasz Þór Veruson tók eitt skref í einu í bókstaflegri merkingu, í átt að stóra markmiðinu sínu 2018. Eftir að hafa náð því markmiði að ganga 1.000 kílómetra á fjalli, opinberaði hann árangurinn. Meira »

10 geðhjúkrunarrými í viðbót

Í gær, 18:35 Hjúkrunarheimilið Mörk óskaði eftir því við heilbrigðisráðuneytið að fá að breyta 10 almennum hjúkrunarrýmum í sérhæfð geðhjúkrunarrými. Svandís Svavarsdóttir heilbrigðisráðherra hefur fallist á þetta. Meira »

Rykmagn veldur háum styrk svifryks

Í gær, 17:55 Mikið ryk hefur í dag þyrlast upp úr umhverfinu og hefur styrkur svifryks því verið hár, eða PM10, samkvæmt mælingum í mælistöðvum við Grensásveg og Víkurvegur, að því er fram kemur í tilkynningu frá Heilbrigðiseftirliti Reykjavíkur. Meira »

Perlan með afmælissýningu á Bessastöðum

Í gær, 17:08 Leikhópurinn Perlan heimsótti Guðna Th. Jóhannesson forseta Íslands á Bessastöðum í dag og hélt þar sýningu í tilefni að 35 ára afmæli hópsins. Meira »

Úðuðu vatni vegna asbestmengunar

Í gær, 17:00 Beita þurfti sérstökum aðferðum við niðurrif á húsinu sem brann á Kirkjuvegi á Selfossi vegna þess að asbest var á klæðningu þess að utan og að hluta til að innan. Slökkviliðsmenn úðuðu vatni á húsið til að koma í veg fyrir að asbestmengun breiddist út í andrúmsloftið þegar klæðningin brotnaði. Meira »

Sakaði meirihlutann um blekkingarleik

Í gær, 16:50 „Formaður fjárlaganefndar kallar þetta ábyrgar ráðstafanir og segir að ekki sé verið að taka neitt af neinum,“ sagði Ágúst Ólafur Ágústsson, þingmaður Samfylkingarinnar, í annarri umræðu um fjárlög ársins 2019 á þingi í dag. Meira »

„Ekki skemmtilegt að keyra þennan veg“

Í gær, 16:32 Samgöngu- og sveitarstjórnarráðherra segist hafa fundið fyrir mikilli samstöðu íbúa, ekki aðeins á Vatnsnesi, heldur á öllu svæðinu, og sveitarstjórnar um umbætur á Vatnsnesvegi. „Samstaða hjálpar alltaf til þegar við þurfum að úthluta fjármagni og forgangsraða,“ segir Sigurður Ingi Jóhannsson. Meira »

Fimm milljónir í listsjóð á Akureyri

Í gær, 16:13 Samkomulag um stofnun listsjóðsins Verðandi var undirritað í Menningarhúsinu Hofi á Akureyri í dag. Megintilgangur sjóðsins er að styrkja listafólk til að nýta Menningarhúsið Hof og Samkomuhúsið sem vettvang fyrir listsköpun sína. Meira »
Ertu komin í saumaskap ?
Nýjar og notaðar saumavélar í úrvali. Nýjar vélar með 3 ára ábyrgð. Notaðar véla...
GRUNDIG túbusjónvarp
Grundig TB 800. Til sölu kr. 2500.- Br:80cm.. Hæð:57cm. uppl: 8691204...
LAGERHREINSUN - FÆÐUBÓTAREFNI Á FRÁBÆRU VERÐI!
Lagerhreinsun á fæðubótarefnum frá þekktum framleiðendum á morgun laugardag 10. ...
Jólabasar Kattholts
Basarinn verður laugardaginn 1.desember n.k. Endilega hafið samband í Kattholt...