Í hvað fóru allar milljónirnar?

Áætlaður heildarkostnaður við framkvæmdir við húsin þrjú á Nauthólsvegi 100 ...
Áætlaður heildarkostnaður við framkvæmdir við húsin þrjú á Nauthólsvegi 100 var 146-158 milljónir. Framkvæmdirnar hingað til hafa hins vegar kostað 415 milljónir. mbl.is/Hari

Framkvæmdir við húsin þrjú við Nauthólsveg 100 sem samanstanda af bragga, náðhúsi og skemmu hafa vakið athygli síðustu vikur vegna hundraða millj­óna króna framúr­keyrslu í fram­kvæmd­um á húsunum á veg­um borg­ar­inn­ar.

Nú stendur yfir óháð rannsókn á innri endurskoðun Reykjavíkurborgar á framkvæmdunum og í gær var samþykkt í borgarráði að útvíkka rannsóknina í því skyni að gera heild­ar­út­tekt á öllu því ferli sem end­ur­gerð bragg­ans. Dóra Björt Guðjónsdóttir, oddviti Pírata í borgarstjórn, sagði í samtali við mbl.is í gær, eftir vettvangsferð borgarstjórnarflokksins um braggann, að flokkurinn vilji tryggja að málið verði upplýst að fullu og að komið verði í veg fyrir alla yfirhylmingu.

Úr bragga, skemmu og náðhúsi í matsölustað, frumkvöðlasetur og fyrirlestrasal 

Í frumkostnaðaráætlun sem gerð var af verkfræðistofunni Eflu í júlí 2015 kemur fram að endurbætur á bragga og svokölluðu náðhúsi ættu að kosta um 250 til 330 þúsund krónur á fermetra eða 34 til 39 milljónir króna. Þá var lagt til að viðbyggingin, eða skemman, yrði rifin vegna slæms ástands og gert var ráð fyrir að það myndi kosta 34 til 36 milljónir króna. Áætlaður heildarkostnaður til verkefnisins var því 146 til 158 milljónir króna.

Þremur árum seinna hefur kostnaðaráætlunin farið gríðarlega fram út upphaflegri áætlun og hafa fram­kvæmd­irn­ar við bragg­ann kostað um 415 millj­ón­ir. Þá skal tekið fram að verki við viðbygginguna er langt frá því að vera lokið. Mat­sölustaður hef­ur opnað í bragg­an­um og náðhúsið verður brátt tekið í notk­un sem fyr­ir­lestr­ar­sal­ur fyr­ir Há­skól­ann í Reykja­vík. Til stendur að frum­kvöðlaset­ur opni í viðbyggingunni.

Frá vettvangsferð Pírata í braggann í gær, sem fór að ...
Frá vettvangsferð Pírata í braggann í gær, sem fór að mestu leyti fram í svokölluðu náðhúsi. mbl.is/Hari

Kostnaður við smíðavinnu yfir 100 milljónir

Það liggur beinast við að skoða nánar í hvað rúmu 400 milljónirnar hafa farið. Höfundarréttarvarin strá hafa vakið mikla athygli, sem og hönnunarljósakrónur frá Danmörku sem greint var frá í Fréttablaðinu í morgun, en hvor um sig kostuðu tæpa milljón króna. 

Hér verður hins vegar farið nánar út í heildarkostnaðinn sem hefur fylgt framkvæmdunum við Braggann í Nauthólsvík. Sundurliðun yfir kostnaðinn má finna í umsögn full­trúa Skrif­stofu Eigna- og at­vinnuþró­un­ar við fyrirspurnum fulltrúa minnihlutans í borgarráði vegna yfirlits yfir framkvæmdir við braggann. 

Ef tekinn er saman kostnaður við framkvæmdir á byggingunum þremur sést að kostnaður við að rífa viðbygginguna var tæpar 30 milljónir.

Mestur kostnaður fór í smíðavinnu, eða um 125 milljónir. Þar af eru tæpar 106 milljónir sem verktakafyrirtækið Smiðurinn þinn lfs fékk greitt frá borginni, sem er mesti útlagði kostnaður til eins aðila. Eigandi fyrirtækisins, Sigfús Örn Sigurðsson, sagði í samtali við Eyjuna að upplýsingarnar sem borgin sendi frá sér séu ekki réttar þar sem ekki var tekið mið af efniskostnaði. Segir hann að 67 milljónir hafi farið í vinnu og 38 milljónir í efniskostnað.

Höfundarréttarvarin strá, innflutt frá Danmörku, fyrir tæplega 800.000 krónur.
Höfundarréttarvarin strá, innflutt frá Danmörku, fyrir tæplega 800.000 krónur. mbl.is/Hari

Efni og vinna við barborð fyrir 3,5 milljónir

Kostnaður við múrverk er 36,4 milljónir, stálbogar sem notaðir voru við uppbyggingu braggans kostuðu tæpar 6 milljónir og þá voru 8,5 milljónir greiddar í málningarvinnu.

Stálgluggar í braggann kostuðu 4,5 milljónir og barborð um eina milljón. Kostnaður við að smíða barborðið var um 2,5 milljón. Þá var kostnaður við innréttingar, hurðir og borðplötu rúmar 4 milljónir.

Þegar kemur að ýmis konar frágangi má telja til vinnu við loftræstingu sem var um 15 milljónir, 16 milljónir í pípulagnir og rúmlega 35 milljónir í raflagnir.

23 milljónir í framkvæmdir við lóð braggans

Jarðvinna við braggann og lóð hans kostaði um 8 milljónir. Hönnun lóðarinnar kostaði rúmlega 5 milljónir, en þar inn í eru stráin margumtöluðu. Kostnaður við frágang lóðarinnar var rúmlega 20 milljónir.

Arkibúllan ehf. Fékk rúmar 28 milljónir greiddar fyrir arkitektarvinnu en fyrirtækið hefur sent frá sér yfirlýsingu þar sem kemur fram að Arkibúllan hafi hannað end­ur­bygg­ingu á Naut­hóls­vegi 100 í sam­ræmi við ósk­ir verk­kaupa og eft­ir­lit arki­tekta­stof­unn­ar fólst í því að fylgj­ast með því að iðnaðar­menn fylgdu teikn­ing­um og verk­in væru sann­an­lega unn­in.

Þá má nefna að kostnaður við ástandsmat, sem framkvæmt var af verkfræðistofunni Eflu, var rúmar 28 milljónir. Þá fengu Orkuveita Reykjavíkur og Orka náttúrunnar samtals greiddar 2,7 milljónir og rúmar 800 þúsund krónur voru greiddar til borgarinnar fyrir byggingaleyfi. Þá var miðlægur stjórnsýslukostnaður samtals rúmar 12 milljónir.

Lóðavinna við Braggann kostaði um 23 milljónir.
Lóðavinna við Braggann kostaði um 23 milljónir. mbl.is/Hari

Allt frá 4.700 krónum til 105 milljóna

Samkvæmt sundurliðun kostnaðar eru taldar til 403.992.836 krónur við framkvæmdirnar á húsunum þremur. Hæsta upphæð sundurliðunarinnar eru 105,5 milljónir sem greiddar voru Smiðnum þínum ehf. og lægsta upphæðin er 4.700 krónur sem greiddar voru vegna flutnings.

Kostnaðurinn hefur því farið 245 milljónir fram úr upphaflegri kostnaðaráætlun. Heildarstærð húsanna þriggja; braggans, náðhússins og skemmunnar, er 450 fermetrar. Upphaflega var gert ráð fyrir að framkvæmdirnar myndu kosta um 250 til 330 þúsund krónur á fermetra en miðað við stöðuna í dag er kostnaður við hvern fermetra 898 þúsund krónur.

Hér má sjá útsýnið úr náðhúsinu, einum af þremur byggingum ...
Hér má sjá útsýnið úr náðhúsinu, einum af þremur byggingum braggans í Nauthólsvík. mbl.is/Hari

Allar framkvæmdir við braggann hafa verið stöðvaðar, en mikil vinna er eftir í viðbyggingunni, þar sem til stendur að opna frumkvöðlasetur. Ekki er víst hvenær óháðri rannsókn innri endurskoðunar borgarinnar lýkur, en borgarfulltrúar meirihlutans hafa lagt áherslu á að rannsóknin verði unnin eins hratt og örugglega og hægt er.

Á sama tíma hefur borgarfulltrúi Flokks fólksins lagt fram bókun í borgarráði að innri endurskoðun borgarinnar sé óhæf til verksins vegna ákveðinna tengsla og vegna upp­lýs­inga sem hún hefði haft all­an þann tíma sem end­ur­bygg­ing bragg­ans fór fram. Fyr­ir vikið yrði varla hægt að telja niður­stöður henn­ar áreiðan­leg­ar. Þá hefur Vigdís Hauksdóttir, borgarfulltrúi Miðflokksins, sagt tillögu meirihlutans um útvíkkun á óháðri rannsókn innri endurskoðunar vera „aumt yfirklór.“ 

mbl.is

Bloggað um fréttina

Innlent »

„Vel haldið utan um okkur“

17:08 „Það er mjög vel haldið utanum okkur,“ segir Þórdís Ósk Sigtryggsdóttir ein þeirra um 160 farþega sem voru um borð í flugvél Icelandair sem skyndilega þurfti að lenda á Saguenay Bagotville-flugvellinum í Kanada, vegna sprungu í rúðu í flugstjórnarklefa vélarinnar. Meira »

Mótmæltu með blómum og skiltum

16:11 Hernaðarandstæðingar stóðu fyrir mótmælum og sögugöngu í Þjórsárdal í dag, en þar fór fram seinni dagur heræfingar bandarískra hermanna. Tilgangur æfingarinnar er að undirbúa hermenn til veru í slæmu veðri og kanna þolmörk þeirra í göngu með þungan búnað. 400 hermenn áttu að taka þátt í æfingunni. Meira »

Gjaldskýlin urðu gröfunum að bráð

16:05 Starfsmenn verktakafyrirtækisins Þróttar ehf. unnu við það í vikunni að fjarlægja tvö af þremur gjaldskýlum Hvalfjarðarganga með stórvirkum gröfum. Meira »

Margt á 10 ára afmæli UNICEF og Te & Kaffi

15:52 Margt var um manninn þegar UNICEF á Íslandi og Te & Kaffi blésu til afmælisveislu í Smáralindinni í dag til að fagna 10 ára farsælu samstarfi. Tveggja metra afmæliskakka kláraðist og mikill fögnuður braust út þegar tónlistarmaðurinn Páll Óskar steig þar á svið. Meira »

Ólafur: Barátta sem má ekki tapast

14:52 Ólafur Ragnar Grímsson, formaður Hringborðs norðurslóða og fyrrverandi forseti, segir framtíð norðurslóða og orkubyltingu vera sömu hliðina á sama peningnum. Ólafur var gestur í Víglínunni á Stöð 2 hjá Heimi Má Péturssyni. Meira »

Metfjöldi herskipa hér við land

13:33 „Við röðum þessum skipum bara upp eins og kubbum sem þurfa að falla sem best að bryggjunni. Við þá vinnu skiptir lengd skipa mestu máli og hversu djúpt þau rista,“ segir Gísli Gíslason, hafnarstjóri Faxaflóahafna, í samtali við Morgunblaðið í dag og vísar í máli sínu til þess mikla fjölda herskipa Atlantshafsbandalagsins (NATO) sem nú liggur við bryggju á höfuðborgarsvæðinu. Meira »

Taka athugasemdir ASÍ alvarlega

13:08 „Við tökum athugasemdir ASÍ alvarlega. Það er ljóst að ég mun tryggja það að við munum ekki taka að okkur verkefni sem iðnaðarmenn eða aðrir hafa áhuga á,“ segir Páll Winkel, forstjóri Fangelsismálastofnunar um gagnrýni ASÍ á fyrirkomulag sem gilt hefur um störf fanga undan fangelsa . Meira »

„Menn lifa ekki á kostnaðarmötum“

12:21 „Við höfum ekki rætt þetta í samninganefndinni, en við látum eitthvað kostnaðarmat ekki hafa áhrif á það sem við erum að gera. Við teljum okkur vera að ná launum fyrir fólk sem þarf á því að halda og er á lágum launum í dag,“ segir Björn Snæbjörnsson, formaður Starfsgreinasambandsins. Meira »

Yfir 600 á biðlista inn á Vog

12:11 „Það er með algjörum ólíkindum að heilbrigðisyfirvöld skuli ekki bregðast við þessum vanda á einhvern hátt. Starfsfólkið á Vogi vinnur allan sólarhringinn á vöktum, alla daga ársins og ekkert má útaf bregða í rekstrinum, hvorki veikindi né aðrar óvæntar uppákomur,“ segir Arnþór Jónsson, formaður SÁÁ. Meira »

Jón Steinar prófi „sitt eigið meðal“

11:41 „Karlar gera merkilega hluti er mikilvægur og valdeflandi vettvangur en tilvist hans verður hvorki útskýrð eða rökrædd við mann sem skrifar feðraveldi innan gæsalappa og skilur ekki hvað „öruggt svæði“ er,“ segir í yfirlýsingu stjórnenda Facebook-hópsins „Karlar gera merkilega hluti Meira »

Fann pabba sinn eftir 18 ára leit

10:26 Kristín Jónsdóttir komst að því þrítug að hún hafði verið rangfeðruð, þótt faðernið hefði verið staðfest með blóðrannsókn fyrir dómi á sínum tíma. Hún hóf leit að réttum föður og hefur nú fundið hann eftir 18 ára leit. Þjóðskrá skráir hann þó ekki sem föður hennar jafnvel þótt DNA-próf liggi fyrir. Meira »

Rúða brotnaði í flugstjórnarklefanum

08:34 Farþegavél Icelandair á leið frá Orlando í Flórída til Keflavíkur var snúið við og henni lent á Bagotville-flugvellinum í Quebec í Kanada vegna neyðartilfellis. Farþegar í vélinni greina frá atburðarásinni á Twitter og segja að flugmaðurinn hafi tilkynnt að vinstri rúða í flugstjórnarklefanum hafi brotnað. Meira »

Uppgerður braggi undir kostnaðaráætlun

08:18 „Salan hefur gjörsamlega rokið upp og hefur aldrei verið svona mikil. Þetta hefur algjörlega sprungið. Við höfum því lítið annað gert en að framleiða Bragga því það fer mikil handavinna í þetta,“ segir Viktor Sigurjónsson, markaðsstjóri Kristjánsbakarís á Akureyri. Meira »

Mikilvægt að fylgjast með veðurspám

08:05 Með morgninum er búist við vaxandi suðvestlægri átt og upp úr hádegi má búast við hvassviðri eða stormi víða um land með skúrum, en léttir til um landið norðvestanvert. Í kvöld bætir enn í vindinn og útlit er fyrir að hviður geti farið upp í um 40 metra á sekúndu á norðan- og norðaustanverðu landinu. Meira »

Opna á samninga um yfirtöku vallarins

07:57 Bæjarráð Akureyrar hefur samþykkt að óska eftir því að Atvinnuþróunarfélag Eyjafjarðar afli gagna til að gera viðskipta- eða rekstraráætlun fyrir Akureyrarflugvöll og kanna áhrif fjölgunar farþega með auknu millilandaflugi og rekstrargrundvöll vallarins. Meira »

Veittu ökuníðingi eftirför

07:41 Um klukkan tvö í nótt veitti lögreglan á höfuðborgarsvæðinu ökumanni eftirför sem virti ekki fyrirmæli um að stöðva bifreiðina. Ökumaðurinn var að lokum stöðvaður við Bolöldu eftir að lögreglubifreið hafði verið ekið utan í bifreið hans. Meira »

Sprengt verður þrisvar á dag

07:37 Miklar framkvæmdir standa yfir á lóð Landspítalans vegna byggingar nýs Landspítala. Nýlega hófust framkvæmdir vegna jarðvinnu við Barnaspítalann. Meira »

Óháðir leggi mat á kröfur

05:30 Samtök atvinnulífsins, SA, leggja til að þau og Starfsgreinasambandið, SGS, feli óháðum aðila að leggja mat á áhrif kröfugerðar sambandsins í kjaramálum á félagsmenn SGS, fyrirtæki, atvinnulífið í heild og opinber fjármál. Meira »

Varaþingmennirnir kosta tugi milljóna

05:30 Færst hefur í vöxt að alþingismenn kalli inn varamenn þegar þeir hverfa af þingi tímabundið. Árið í ár verður metár en það sem af er ári hafa varamenn verið kallaðir inn í 57 skipti. Meira »
Heimili í borginni ...Eyjasol ehf.
3ja herb. íbúðir í austurborginni. Gisting fyrir 4-6. Lausir dagar. Góð gisting ...
RAFVIRKI
ALHLIÐA RAFLAGNIR EKKERT VERKEFNI ER OF SMÁTT Haukur Emilsson Simi 853 1199...
Infrarauður Saunaklefi -Tilboð 299.000 ef greitt er inn á 30.000 í okt ( kemur eftir cirka 4 vikur ) annars 329.000
Er á leiðinni færð á Tilboði 299.000 ef greitt er inn á 30.000 í sept( kemur eft...
HEIMA ER BEZT
Heima er bezt tímarit Þjóðlegt og fróðlegt Tryggðu þér áskrift www.heimaerbezt.n...