Óttast var að maður og kona hefðu farist í miklum eldsvoða sem kom upp í einbýlishúsi við Kirkjuveg á Selfossi um fjögurleytið í gær, með þeim afleiðingum að þau hafi orðið innlyksa á efri hæð hússins.

Taldi slökkvilið sig hafa komist að því hvar fólkið var mögulega staðsett á efri hæðinni laust fyrir klukkan níu í gærkvöldi en farið var varlega í allar aðgerðir með tilliti til rannsóknarhagsmuna.

Samkvæmt tilkynningu frá Lögreglunni á Selfossi voru húsráðandi og gestkomandi kona handtekin vegna rannsóknar á eldsupptökum, en ekki fengust frekari upplýsingar um ástæður handtökunnar þegar leitað var eftir þeim í gærkvöldi.

Þá sagði í fréttatilkynningu lögreglunnar á Selfossi að sérfræðingar tæknideildar Lögreglunnar á höfuðborgarsvæðinu hefðu verið kallaðir til aðstoðar við rannsókn málsins, að því er fram kemur í Morgunblaðinu í dag.

Tengdar fréttir

Eldur í einbýlishúsi á Selfossi 31. október

Dómur yfir Vigfúsi staðfestur

• Dómur þyngdur úr fimm í fjórtán ár
• Dómi yfir Vigfúsi áfrýjað til Landsréttar
• Vigfús áfram í varðhaldi
• „Beinn ásetningur“ ekki til staðar

» Fleiri tengdar fréttir