Fengu lögbann á starfsemina

Íbúar í Norðlingaholti settu sig upp á móti heimilinu og ...
Íbúar í Norðlingaholti settu sig upp á móti heimilinu og fengu sett lögbann á rekstur þess. mbl.is/Sigurður Bogi Sævarsson

Íbúar í nágrenni húss sem hýsa átti heimili fyrir ungmenni í vanda kröfðust þess að sett yrði lögbann á starfsemina áður en nokkurt barn náði að flytja inn. Sýslumaður samþykkti kröfuna á föstudaginn en til stóð að þangað flyttu börn á næstu vikum. Heiða Björg Pálmadóttir, forstjóri Barnaverndarstofu, staðfestir þetta við mbl.is.

Líkt og fram kom í byrjun nóvember hóf vistheimili fyrir ungmenni í fíknivanda starfsemi um miðjan október. Ekkert barn hefur enn verið vistað þar. Heimilið átti að vera fyrir tvö til þrjú ungmenni sem hafa verið í neyslu og þurfa hæga aðlögun út í samfélagið að lokinni meðferð.

„Það hryggir Barnaverndarstofu gríðarlega að andstaða nágranna gegn því að þessi börn fengju eðlilegt heimili var svo mikil að þeir kröfðust lögbanns á starfsemina áður en að nokkurt barn náði að flytja inn. Sýslumaður samþykkti því miður kröfuna á föstudaginn,“ segir Heiða.

„Lögbannið byggir á gríðarlegum misskilningi á eðli starfseminnar. Hins vegar liggur einnig fyrir að það myndi taka marga mánuði að fá lögbanninu hnekkt fyrir dómi og að stofan myndi innan þess tíma missa húsnæðið. Því hefur Barnaverndarstofu ekki forsendur fyrir því að mótmæla lögbanninu fyrir dómi. Það er sorglegt að borgarar landsins séu svona þröngsýnir gagnvart því að börn sem eru að koma úr meðferð fái að búa í venjulegum íbúðargötum, en það er forsenda þess að hægt sé að styðja áfram við börn sem hafa tekið á sínum vanda og vilja standa sig áfram,“ segir Heiða. 

Fyrir lá að finna þyrfti nýtt húsnæði undir starfsemina þar sem til stendur að selja húsið. Leitin stendur enn yfir að sögn Heiðu og er stefnt að því að hefja starfsemina um leið og hægt er að flytja í nýtt húsnæði.

Uppfært 7. desember 2018 kl. 10:48 

Eftirfarandi yfirlýsing barst mbl.is vegna lögbannskröfu íbúa í Norðlingaholti.


Undirritaður sat í stjórn íbúasamtaka Norðlingaholts frá 2009 sem varamaður, varaformaður og síðast formaður stjórnar til ársins 2012.

Nýr formaður og stjórn hefur látið undir höfuð leggjast að uppfæra skráningu félagsins allt frá því ári og til dagsins í dag.

Hvort aðalfundur hefur verið haldin eða ekki síðan þá er ókunnugt um en ljóst er að þegar ég umdirritaður hætti setu í stjórninni að þá tók þáverandi varaformaður, Carl Jóhann Gränz við stöðu formanns.

Það að undirritaður dragist nú, í desember 2018, inn í umræðu um lögbannskröfu íbúa í Norðlingaholti vegna "heim­ili fyr­ir ung­menni í vanda" er því með öllu ómálefnaleg.

Umræðan á samfélagsmiðlum er bæði orðljót og særandi auk þess sem persónulegar upplýsingar sem heimilisföng ótengds fólks eru birt. Þessi skrif og birtingar eru með öllu óviðeiganfi og ekki minnst lítilsækkandi fyrir þá sem þar eiga í hlut. Ég hvet viðeigandi til að fjarlægja ummæli sín og þær persónuupplýsingar sem þar koma fram

Um leið vill éf minna á að ég á börn og barnsmóður í Norðlingaholti sem hafa ekkert til saka unnið og eiga nú á hættu að verða fyrir umtali og gagnrýni sem þau eiga ekki skilið.

Ég hef ég verið búsettur og starfandi í Noregi frá janúar 2014 og engin tengsl haft við íbúasamtök Norðlingaholts annarsvegar og lögbannskröfuna hinsvegar.

Þeir, sem óska nánari útlistingu kröfunnar, ættu því að beina spurningum og gagnrýni sinni að þeim sem setja nöfn sín við lögbannskröfuna sem send var til sýslumanns.

Þar að auki skora ég á núverandi stjórn íbúasamtaka Norðlingaholts að uppfæra skráningu félagsins hjá fyrirtækjaskrá skattstjóra, eins og ég hef ítrekað farið fram á síðustu ár en án árangurs.

Virðingafyllst,
Sigurður Rúnarsson.

mbl.is

Innlent »

Slydda eða snjókoma með köflum

07:11 Spáð er sunnan og suðvestan 5 til 13 metrum á sekúndu á landinu í dag með morgninum og slyddu eða snjókomu með köflum en bjartviðri um landið norðaustanvert síðdegis. Meira »

Tjónið þegar töluvert

05:30 Um 2.300 manns tóku þátt í sólarhringsverkfalli Eflingar og VR sem lauk eina mínútu í miðnætti í gærkvöldi. Verkfallið beindist að hótelum og rútubílstjórum og tóku verkalýðsfélögin sér kröfustöður meðal annars fyrir utan Hús atvinnulífsins og ýmis hótel á höfuðborgarsvæðinu. Meira »

Aukin áhersla á eldvarnir hjá SHS

05:30 „Stórbrunar sem við lentum í við Miðhraun í Garðabæ og Hvaleyrarbraut í Hafnarfirði í fyrra ýttu rækilega við okkur varðandi eldvarnir. Þessir eldsvoðar voru af þeirri stærðargráðu að við réðum hreinlega ekki við þá. Ég var orðinn hræddur um öryggi minna manna og það er ískyggilegt.“ Meira »

Hælisleitendum fjölgar verulega

05:30 Útlendingastofnun hefur ritað sveitarfélögum víða um land bréf til að kanna áhuga þeirra á að gera þjónustusamning við stofnunina um húsaskjól og félagslega þjónustu við umsækjendur um alþjóðlega vernd. Meira »

Þorskur merktur á nýjan leik

05:30 Nú í marsmánuði hóf Hafrannsóknastofnun merkingar á þorski á ný eftir nokkurt hlé. Merktir voru 1800 þorskar fyrir vestan og norðan land um borð í rannsóknaskipunum þegar skipin voru í stofnmælingu botnfiska. Meira »

Flugfélögin ræðast við um helgina

05:30 Viðræður um mögulega aðkomu Icelandair að rekstri WOW hófust formlega í gær. Félögin hafa gefið sér fram yfir helgina til að ljúka viðræðunum, en á mánudaginn þarf WOW air að standa skil á 150 milljóna króna vaxtagreiðslu vegna skuldabréfa sem félagið gaf út í september síðastliðnum. Meira »

Orkupakkinn með fyrirvara

05:30 Ríkisstjórnin samþykkti á fundi sínum í gærmorgun að leggja fyrir Alþingi þriðja orkupakka Evrópusambandsins, með þeim fyrirvara að sá hluti reglnanna er snúi að flutningi raforku yfir landamæri muni ekki koma til framkvæmda nema Alþingi heimili lagningu raforkustrengs. Meira »

Greiðsla úr sjóði er háð þátttöku fólks

05:30 Á heimasíðu Eflingar kemur meðal annars fram að greiðsla úr verkfallssjóði sé háð „hógværri kröfu“ um þátttöku viðkomandi í verkfallsvakt eða skyldum viðburðum. Meira »

Veður gengur niður

Í gær, 23:59 Gular og appelsínugular viðvaranir sem hafa verið í gildi eru ýmist dottnar út eða detta út á allra næstu klukkustundum. „Þetta er allt á réttri leið,“ segir Óli Þór Árnason, veðurfræðingur á vakt á Veðurstofu Íslands. Meira »

Stundum leynast merki í töluboxi

Í gær, 22:25 „Kúnstin við að safna er alltaf sú sama, að afmarka sig með einhverjum hætti. Annars tapast yfirsýnin. Áhuginn hverfur oft líka ef fólk afmarkar sig ekki, því þá er ekki hægt að dýpka sig í neinu,“ segir Eiríkur Jón Líndal, formaður Myntsafnarafélags Íslands, en það fagnar 50 ára afmæli nú um helgina með stórsýningu. Meira »

Komu í leitirnar nær þrjátíu árum seinna

Í gær, 22:10 Stundum getur raunveruleikinn reynst ótrúlegri en nokkur lygasaga. Það upplifðu þeir félagar Þorfinnur Sigurgeirsson, grafískur hönnuður og myndlistarmaður, og Magnús Valur Pálsson, grafískur hönnuður og kennari, nú í vikunni, en þá hafði Þorfinnur samband við Magnús eftir að hafa fengið skilaboð frá ókunnugri konu á Facebook. Meira »

Verkfallsvarsla verður efld til muna

Í gær, 21:55 Sólveig Anna Jónsdóttir, formaður Eflingar, segir það „svívirðilegt“ að fólk hafi sýnt einbeittan brotavilja þegar kemur að verkfallsbrotum. Hún vill efla verkfallsvörslu til muna í næstu viku þegar næstu tvö verkföll eru fyrirhuguð. Meira »

Á forræði hvers stéttarfélags fyrir sig

Í gær, 21:28 Það er á forræði hvers stéttarfélags fyrir sig að meta hvort það geti krafist þess að greiðsla úr verkfallssjóði sé háð „hógværri kröfu“ um þátttöku í verkfallsvakt eða skyldum viðburðum. Meira »

Foktjón og fastir bílar víða um land

Í gær, 20:54 Kalla þurfti til björgunarsveitir á Reyðarfirði í kvöld vegna fjúkandi þakplatna og brotinna rúða, en aftakaveður er á svæðinu líkt og víðast hvar á landinu. Á milli 70 og 80 björgunarsveitarmenn hafa sinnt útköllum það sem af er degi. Meira »

Tveir Íslendingar hlutu 100 þúsund

Í gær, 20:43 Tveir Íslendingar hlutu annan vinning í Jóker í útdrætti Eurojackpot í kvöld og fær hvor um sig 100 þúsund krónur í sinn hlut. Meira »

Ástand sem getur ekki varað lengur

Í gær, 20:05 Dagurinn hefur verið ákaflega annasamur að sögn formanns FHG – fyrirtækja í hótel- og gistiþjónustu og eiganda og framkvæmdastjóra Center Hotels. „Við erum búin að ljúka herbergjunum, þannig að nú eru veitingastaðirnir eftir,“ segir hann og kveðst vera á leiðinni í uppvaskið. Meira »

Skilti leyfð á afmörkuðu svæði

Í gær, 19:59 Skilti og útstillingar fyrirtækja á Laugavegi mega vera á afmörkuðum stöðum. Annað hvort við framhlið byggingar eða á svokölluðu millisvæði en aldrei á göngusvæði. Reglur um afnot af borgarlandinu vegna skilta og útstillinga voru samþykktar í febrúar 2017. Meira »

Seinkunin algert aukaatriði

Í gær, 19:20 „Við erum í skýjunum með það hversu vel þetta heppnaðist. Það má segja að allt hafi gengið eftir áætlun þrátt fyrir smá seinkun,“ segir Sævar Freyr Þráinsson, bæjarstjóri Akraneskaupstaðar, um skorstein Sementsverksmiðjunnar sem jafnaður var við jörðu í dag. Meira »

Krefst endurupptöku á máli Zainab

Í gær, 18:37 Lögmaður fjölskyldu Zainab Safari hefur farið fram á endurupptöku máls fjölskyldunnar hjá kærunefnd útlendingamála á grundvelli breyttra aðstæðna. Í samtali við mbl.is segir Magnús Norðdahl að atburðir dagsins hafi sýnt það svart á hvítu hversu sterk tengsl fjölskyldan hefði myndað hér á landi. Meira »
Fágætar vínilplötur í Kolaportinu!!
Mikið úrval af fágætum vínilplötum í Kolaportinu við gluggavegg miðjan sjávarmeg...
Varstu í bústað, ólykt eftir vetur, viltu eyða
Varstu í bústaðnum, var ólykt / fúkkalykt eftir veturinn, viltu eyða, hér er lau...
Skrifstofuhúsnæði Bolholti 4
Til leigu er skrifstofurými, alls um 110 fermetrar, í austurenda á 5. og efstu ...
Mynd eftir Ásgrím Jónsson
Til sölu olíumálverk eftir Ásgrím Jónsson, Húsafell, Uppl. í s. 772-2990 eða á ...