Kaupendur tveggja íbúða Félags eldri borgara við Árskóga í Reykjavík lögðu í dag fram aðfararbeiðni til Héraðsdóms Reykjavíkur. Er þess þar krafist að þeir fái íbúðirnar afhentar sem fyrst enda hafi þeir uppfyllt kaupsamning og greitt af íbúðinni í samræmi við hann. Þetta staðfesta lögmenn kaupendanna í samtali við mbl.is.

Frétt af mbl.is

Mistök að gefa upp verðið of snemma

Félag eldri borgara, sem byggir íbúðirnar, hefur krafið kaupendur um greiðslu umfram það sem samið var um, á þeim forsendum að verkið hafi farið fram úr kostnaðaráætlun. Heimildir mbl.is herma að kostnaðarhækkunin nemi rúmum 10% af umsömdu verði.

Sigurður Kári Kristjánsson, annar lögmannanna, segir málið skýrt frá sínum sjónarhóli. Gerður hafi verið kaupsamningur og hann efndur af hálfu umbjóðanda síns. Félag eldri borgara hafi enga heimild til að krefjast greiðslna umfram þær sem samið var um. „Það er ein af grundvallarreglum samningaréttar að orð skulu standa.“ Hann segir forsvarsmenn félagsins sjálfa hafa viðurkennt að réttarstaða þeirra sé engin. Þeir hafi ekki heimild til að hækka umsamið verð einhliða.

Fyrirtaka verður í héraðsdómi á þriðjudagsmorgun og verði beiðnin samþykkt verður Félagi eldri borgara gert að afhenda kaupendunum íbúðirnar. Sigurður Kári á ekki von á öðru en að beiðnin verði samþykkt.

Tengdar fréttir

Íbúðir FEB í Breiðholti

Mikill viðbúnaður vegna eldsvoða í Breiðholti

• Kraftaverk við björgun félagsins
• „Kannske er ég þreyttur vegna vandamálsins í Árskógum“
• Lykilatriði að fallið var frá ætluðum kauprétti
• Ekkert mál rekið fyrir dómstólum

» Fleiri tengdar fréttir

• Blogga um frétt