Gáfu lyf með höfuðljós á enni
Setja bókamerki
Unnur Valborg Hilmarsdóttir, framkvæmdastjóri Samtaka sveitarfélaga á Norðurlandi vestra, segir að dæmi séu um að svæði á Norðurlandi vestra hafi verið algjörlega sambandslaus við umheiminn í allt að þrjátíu klukkustundir í óveðrinu sem gekk yfir landið.
„Við erum mjög heppin að það varð ekki meiriháttar óhapp eða meiriháttar slys á fólki,“ sagði Unnur Valborg í Silfrinu á RÚV og átti þar við Norðurland vestra. Bætti hún við að ekki hefði verið nokkur leið að koma skilaboðum áleiðis til að fá hjálp.
Hún heyrði dæmi um fjölskyldu í húsi þar sem hiti var komin niður í átta gráðu frost og að fólk hefði safnast saman í einu herbergi með kerti, með tilheyrandi eldhættu.
Vistmenn sátu í myrkrinu
Rafmagnið fór af á heilbrigðisstofnun Vesturlands á Hvammstanga þar sem legudeild er starfrækt. „Þar var hjúkrunarfólk að gefa lyf með höfuðljós á enni og vistmenn sátu í myrkrinu,“ sagði hún og nefndi að lýst hefði verið með rafmagnsljósum því ekkert varaafl var til staðar fyrir sjúkrahúsið.
Hún hvatti stjórnmálamenn til að gera eitthvað í málunum og sagði dapurlegt að benda á bændur sem sökudólga og að þeir stæðu í vegi fyrir að raflagnir væru lagðar.
Hún sagði fleiri landeigendur vera til en bændur og nefndi að ekki virtist vera nægilegur skilningur hjá ráðamönnum á stöðu mála. Sömuleiðis væri Norðurland vestra að berjast fyrir því að laða til sín atvinnustarfsemi og fólk vildi ekki koma á svæði þar sem raforkuöryggi væri ekki nægt.
„Höfum ekki náð að skríða upp úr þeirri gryfju“
Væri að ljúga ef ég segðist ekki stressaður
Skiptir miklu meira máli en fólk grunar
„Umsátursástand“
Sex hafa greinst með listeríu
Hvorki sést áður hér á landi né annars staðar