Einar Hermannsson var í kvöld kjörinn formaður SÁÁ. Hann hafði betur í kjörinu gegn Þórarni Tyrfingssyni með 32 atkvæðum gegn níu.

„Ég er ekki alveg búinn að átta mig á tilfinningunni ennþá. Þetta var sigur heildarinnar – þetta var ekki ég einn heldur hluti af grasrótinni, starfsfólki og samferðafólki í stjórninni sem stóð að þessu öllu. Ég er mjög ánægður með alla sem stóðu á bak við mig,“ segir Einar í samtali við mbl.is eftir sigurinn. 

Fyrr í kvöld voru 16 kosnir í aðalstjórn og sjö í varastjórn SÁÁ á aðalfundi samtakanna sem fór fram á Hilton Nordica í Reykjavík í kvöld. Listi Einars hlaut meirihluta atkvæða í þeirri kosningu með 280 atkvæði af 490. 

Frétt af mbl.is

Listi Einars náði kjöri

Að henni lokinni kaus sá hluti aðalstjórnar, sem var á aðalfundinum, og varamenn næsta formann og hlaut Einar mikinn meirihluta atkvæða. 

Einar bauð sig fram með tvennt að leiðarljósi. Annars vegar að koma á fagstjórn yfir sjúkrahúsið Vog og hins vegar að endurskoða eignarhald SÁÁ á Íslandsspilum. 

Sérðu fyrir þér að ráðast í breytingar strax?

„Nei nei þetta verður allt gert í samvinnu með starfsfólki sjúkrahússins og hvað spilakassana varðar þá er það í höndum framkvæmdastjórnar og 48 manna aðalstjórnar - en það vita allir minn hug hvað það varðar," bætir hann við að lokum.

Frétt af mbl.is

Kosið um formann eftir harðar deilur innan SÁÁ

Tengdar fréttir

Átök innan SÁÁ

Sendir yfirlýsingu til Ríkisendurskoðunar vegna SÁÁ

• Listi Einars náði kjöri
• Dreifa listum á aðalfundi SÁÁ
• Kosið um formann eftir harðar deilur innan SÁÁ
• Villandi hræðsluáróður og rangfærslur

» Fleiri tengdar fréttir

• Blogga um frétt