„Við höfum ekki heyrt af neinu tjóni eða hruni. Þeir sem ég talaði við í Grindavík sögðu að hlutir hafi titrað í hillunum hjá þeim og eitthvað aðeins brakað í húsum,“ segir Einar Bessi Gestsson, náttúruvársérfræðingur hjá Veðurstofu Íslands um skjálfta af stærð 4,2 sem varð klukk­an 16.15 síðdeg­is í dag og fannst víða á Suðvesturlandi. 

Frétt af mbl.is

Öflugur jarðskjálfti á Reykjanesi

Yfir 100 tilkynningar bárust Veðurstofunni vegna skjálftans. Töluverð eftirskjálftavirkni hefur verið í kjölfar hans. 

„Í svona hrinum er í raun aldrei hægt að útiloka það að við munum fá stærri skjálfta yfir 5 að stærð. Eins og við reynum að benda á í svona hrinum þá er þetta er ágætt tækifæri fyrir fólk sem býr nálægt að fara yfir viðbrögð við skjálftum og tryggja lausamuni,“ segir Einar.

Frétt af mbl.is

Skjálftar af þessari stærð venjast ekki

Virkni jókst aftur í morgun

Skjálftinn varð 3,2 kílómetra austur af Fagradalsfjalli en tveir stórir skjálftar eru skráðir á vef Veðurstofu Íslands klukkan 16:15, annar 4,9 af stærð. Einar segir að það sé einfaldlega vegna þess að sjálfvirkt kerfi hafi skráð stærri skjálftann inn, ekki hafi tveir stórir skjálftar orðið klukkan 16:15. 

Skjálftavirkni við Fagradalsfjall hófst 19. júlí síðastliðinn. Í upphafi hrinu urðu stærri skjálftar en sá sem varð í dag, 19. og 20. júlí skalf jörðin við fjallið duglega með skjálftum sem voru 4,6 og 5 af stærð. Virknin jókst aftur í morgun, að sögn Einars.

Ann­ar skjálfti varð fyrr í dag sem fannst víða á Suður­nesj­um og á höfuðborg­ar­svæðinu. Hann var af stærðinni 3,7 og varð 2,9 kíló­metra aust­ur af Fagra­dals­fjalli um klukk­an kort­er í tvö. 

Tengdar fréttir

Landris á Reykjanesi

Land rís enn á Reykjanesskaga

• Mesta virkni sem hefur mælst frá upphafi
• Auka vöktun með efnainnihaldi neysluvatns
• Jörð skelfur við Krýsuvík
• Jarðskjálfti upp á 3,5 stig

» Fleiri tengdar fréttir

• Blogga um frétt