Lilja Alfreðsdóttir, mennta- og menningarmálaráðherra, telur að ný reglugerð um skólastarf á tímum Covid-19 muni hafa mjög jákvæð áhrif á skólastarf. Reglugerðin tekur gildi á morgun og heimilar fleirum að koma saman í skólum en áður. 

„Þetta er gleðidagur en það er mjög brýnt að við höldum mjög vel utan um þetta og að við náum að klára vormisserið með þessum hætti,“ segir Lilja í samtali við mbl.is.

Frétt af mbl.is

Fjöldatakmarkanir hækkaðar í 50 manns

Al­mennt verður heim­ilaður há­marks­fjöldi nem­enda 150 í hverju rými og blönd­un milli sótt­varna­hólfa heim­il á öll­um skóla­stig­um sam­kvæmt til­kynn­ingu vegna skóla­starfs. Regla um nánd­ar­mörk verður einn metri í stað tveggja og gild­ir það jafnt milli nem­enda og starfs­fólks. Aðeins þarf að bera grím­ur ef ekki er unnt að virða eins metra regl­una. Á öll­um skóla­stig­um öðrum en á há­skóla­stigi verður for­eldr­um, aðstand­end­um og öðrum ut­anaðkom­andi heim­ilt að koma inn í skóla­bygg­ing­ar, að upp­fyllt­um regl­um um sótt­varn­ir.

Frétt af mbl.is

Tekjuhrun margra listamanna algjört

Vinna að úttekt á efnahagsaðgerðum

Með tilslökunum á aðgerðum innanlands fær menningarlífið einnig meira andrými en áður. Þannig verður heimilt að allt að 200 manns komi sam­an á ákveðnum stöðum, meðal ann­ars á söfn­um og í sviðslist­um. 

Listamenn eru á meðal þeirra sem hafa orðið illa úti í faraldrinum enda hefur menningarlífið verið takmarkað vegna sóttvarnareglna. Spurð hvort ætlunin sé að ráðast í frekari efnahagsaðgerðir til þess að styðja við listamenn á þessum erfiðu tímum segir Lilja að menntamálaráðuneytið vinni nú að útekt á þeim efnahagslegu aðgerðum sem þegar hefur verið ráðist í. 

„Við erum alltaf að skoða hvernig við getum stutt betur við en við höfum auðvitað ráðist í umfangsmiklar aðgerðir eins og sjá má. Það er þannig að við ætlum að ná utan um stöðuna og höfum verið að gera það. Við eigum í mjög góðu samstarfi og samtali við menningargeirann,“ segir Lilja. 

Frétt af mbl.is

Vilja „sama öryggisnet fyrir allt vinnandi fólk“

Aðgerðir fyrir atvinnulausa stúdenta „á teikniborðinu“

Atvinnuleysi hefur vaxið mikið síðan faraldurinn hófst. Stúdentar eru á meðal þeirra sem hafa misst sína atvinnu. Þrátt fyrir að launagreiðendur greiði gjald af launum stúdenta í atvinnuleysistryggingasjóð geta stúdentar almennt ekki fengið atvinnuleysisbætur. Stúdentahreyfingar, m.a. Stúdentaráð og Landssamband íslenskra stúdenta, hafa kallað eftir breytingum á þessu. Lilja segir að aðgerðir í málum atvinnulausra stúdenta séu „á teikniborðinu.“

En hvað með atvinnuleysisbætur fyrir stúdenta?

„Við erum að skoða þetta, fara yfir það. Það er okkar markmið að við komumst í gegnum þetta og myndum svokallaða efnahagsloftbrú í gegnum Covid-tímabilið. Við höfum átt í samstarfi við stúdenta og fleiri aðila um það hvernig við getum farið í gegnum þetta. Við erum að skoða atvinnu. Við gerðum miklar breytingar á menntasjóðnum og við munum halda áfram að vinna að því.“

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• Blogga um frétt