Lögreglan á Norðurlandi vestra hafði um helgina afskipti af tveimur erlendum ferðamönnum sem áttu að vera í sóttkví.

Fólkið hafði eftir komuna til landsins haldið í sumarbústað á Norðurlandi, meðan á fimm daga sóttkví átti að standa, og þaðan farið í ferðir frá bústaðnum meðal annars á skíði að því er segir í tilkynningu frá lögreglu. Tekið er sérstaklega fram að skíðaferðin hafi þó ekki verið meðal almennings.

Það vakti athygli lögreglu að ferðamennirnir áttu bókað flug til heimalandsins degi síðar en niðurstaða seinni skimunar átti að liggja fyrir.

Ferðamennirnir voru sektaðir fyrir athæfið og hefur hvor um sig greitt 200 þúsund krónur í ríkissjóð.

Tengdar fréttir

Kórónuveiran Covid-19

Kári segir Helgu fara með rangt mál

• Heimsfaraldurinn var æfing í seiglu
• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars

» Fleiri tengdar fréttir

• Blogga um frétt