Þjóðhátíð gæti orðið síðsumars

Brekkusöngurinn er fastur liður á Þjóðhátíð.
Brekkusöngurinn er fastur liður á Þjóðhátíð. Ljósmynd/Óskar Pétur Friðriksson.

Þjóðhátíð 2021 verður frestað og er áætlað að hún verði haldin í einhverri mynd í lok sumars. Áætlað er að endanleg ákvörðun muni liggja fyrir í síðasta lagi 14. ágúst.

Þetta kom fram í tilkynningu þjóðhátíðarnefndar í gærkvöldi. „Það er okkar trú að hægt verði að halda hátíðina í einhverri mynd síðar í sumar,“ segir í tilkynningunni en þar er auk þess talað um mikilvægi hátíðarinnar fyrir barna- og unglingastarf ÍBV.

Fólk sem á miða á Þjóðhátíð mun standa frammi fyrir þremur kostum: Að fá miðann endurgreiddan, flytja miðann yfir á Þjóðhátíð 2022 eða einfaldlega styrkja ÍBV um andvirði miðans.

Endurgreiðslur á þjóðhátíðarmiðum munu hefjast í upphafi ágústmánaðar, en endurgreiðsla á miðum í Herjólf sem voru keyptir á dalurinn.is fylgja beiðnum um endurgreiðslu á miðum. Þeir sem vilja aftur á móti enn þá ferðast til Eyja um verslunarmannahelgina eru beðnir um að hafa samband við skrifstofu Herjólfs til þess að gera nýja bókun, segir í tilkynningunni.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.990 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »