Baldur S. Blöndal
Eyjamenn ganga til kosninga eins og aðrir landsmenn í dag en fréttaritari mbl.is í Vestmannaeyjum segir kjörsókn hafa verið með besta móti það sem af er degi. Framsókn, Miðflokkurinn og Sjálfstæðiflokkurinn buðu í kosningakaffi en Framsókn lagði rauðum Ferguson-traktor skreyttum fána flokksins við innganginn.
Fréttaritari mbl.is í Eyjum segir góðan anda í eyjunni og kjörsókn með besta móti. Starfsmenn á kjörstað telji fleiri hafa kosið en á sama tíma í síðustu kosningum.
Kjörstaður í Vestmannaeyjum er Barnaskóli Vestamannaeyja en hann var opnaður stundvíslega klukkan 9 í morgun og Eyjamenn mættir snemma til að greiða atkvæði.
Mestur umgangur var á milli 16 og 17 en kjörfundi lýkur klukkan 22.