Rannsókn Vindakórsmáls lokið
Setja bókamerki
Rannsókn á andláti Daníels Eiríkssonar, sem lést í apríl á þessu ári eftir að honum voru veittir áverkar í Vindakór í Kópavogi, er lokið af hálfu miðlægrar rannsóknardeildar lögreglunnar á höfuðborgarsvæðinu. Hefur málið verið sent á ákærusvið þar sem það verður yfirfarið af ákæranda og í framhaldinu sent til héraðssaksóknara til ákvörðunar um saksókn. Þetta kemur fram í svari Maríu Káradóttur, aðstoðarsaksóknara á ákærusviði lögregluembættisins.
Rúmenskur karlmaður, sem um tíma var sat í gæsluvarðhaldi vegna málsins, hefur sagt að um slys væri að ræða og kvaðst niðurbrotinn vegna andláts Daníels. Hann er einn með réttarstöðu sakbornings í málinu.
Maðurinn var í farbanni en fór af landi brott í júlí. Eftir að gefin var út evrópsk handtökuskipun og lögregla náði tali af manninum sneri hann aftur til Íslands.
Margeir Sveinsson, yfirlögregluþjónn rannsóknardeildar, sagði í sumar að málið tengdist öllum líkindum ekki skipulagðri glæpastarfsemi eða manndrápinu í Rauðagerði, sem þá var tiltölulega nýskeð.
Þrír karlmenn voru upphaflega handteknir vegna Vindakórs-málsins en tveimur þeirra var sleppt úr haldi stuttu síðar.
Telur forsendur fyrir vaxtalækkun
Skiptir miklu meira máli en fólk grunar
Skemmtiferðaskip hætt komið nærri Viðey
„Umsátursástand“
Sex hafa greinst með listeríu
Vélsleðaslys: Þyrlan kölluð út á mesta forgangi
Shakespeare fannst í skókassa
Krefjast stöðvunar framkvæmda