„Það er ekkert leikfélag án leikhúss“

Forsvarsmenn áhugaleikfélagins Freyvangsleikhúss bíða spenntir eftir drögum að samningi um leigu og rekstur á félagsheimilinu Freyvangi, að því er fram kemur í Morgunblaðinu í dag.

Þar hefur félagið haft aðsetur í áratugi en húsið er í eigu Eyjafjarðarsveitar. Sveitarstjórn hefur haft áform um að selja Freyvang en leikfélagið mótmælt því harðlega.

„Ef húsið yrði selt myndi starfsemi okkar sjálfkrafa falla niður. Það er ekkert leikfélag án leikhúss,“ segir formaður félagsins.