Einn hinna ákærðu í stóra kókaínmálinu, sem er timburinnflytjandi og á sjötugsaldri, kvaðst hafa vitað að kókaín væri í sendingunni sem flutt var inn í gegnum fyrirtæki hans í fyrstu skýrslutöku hjá lögreglunni. Kvaðst hann hafa átt að fá 30 milljónir fyrir sitt hlutverk í innflutningnum, en síðar breytti hann framburði sínum um að hann hefði átt að fá greitt fyrir og að óljóst hefði verið hve há greiðslan yrði.

Þetta kemur fram í úrskurði Héraðsdóms Reykjavíkur sem kveðinn var upp 14. september sl. og birtur var á vef Landsréttar í dag.

Frétt af mbl.is

Timburinnflytjandi og liðstjóri í rafíþróttum meðal ákærðu

Frétt af mbl.is

Tveir játuðu aðkomu eða sök að hluta í kókaínmáli

Lögregla fylgdist með þegar timbrið var fjarlægt

Mennirnir fjórir sem ákærðir hafa verið fyrir að skipuleggja og gera tilraun til innflutnings á 99,25 kg á kókaíni til Íslands földu efnin í sjö trjádrumbum sem fluttir voru frá Brasilíu með viðkomu í Hollandi. Lögregluyfirvöld ytra stöðvuðu hins vegar sendinguna, komu gerviefnum fyrir í trjádrumbunum og sendu áfram.

Frétt af mbl.is

Fjórir ákærðir í 100 kg kókaínmáli

Fram kemur í framangreindum gæsluvarðhaldsúrskurði að lögregla fylgdist með því þegar eigandi innflutningsfyrirtækisins fjarlægði timbrigð úr gámnum við annan mann. Eftir að timbrið hafði verið flutt á milli staða sá samverkamaður timburinnflytjandans um að fjarlæga efnin úr timbrinu og eftir að hafa haft hluta þeirra á brott með sér var hann handtekinn. Sá sjötugi var handtekinn á heimili sínu stuttu síðar.

Málið var þingfest sl. miðvikudag og fer aðalmeðferð málsins fram 5., 6. og 9. janúar, en gert er ráð fyrir skýrslutökum í tvo daga.

Tengdar fréttir

Stóra kókaínmálið

Pétur Jökull handtekinn við komu til Íslands

• Hafa hugmynd um hvar Pétur Jökull er
• „Höfum viljað ná tali af honum“
• Interpol lýsir eftir íslenskum karlmanni
• Þungir dómar í saltdreifaramáli staðfestir

» Fleiri tengdar fréttir

• Blogga um frétt