Snjóruðningsmaðurinn Einar Sveinn Sveinsson hefur verið að störfum í Neskaupstað síðan klukkan fimm í morgun, enda mikil úrkoma verið þar í allan dag. 

Frétt af mbl.is

Féllu úr að minnsta kosti þremur giljum

„Þetta er hellingur, það kemur svo mikið jafnóðum,“ segir Einar Sveinn, en tveir aðrir snjóruðningsmenn eru að störfum í bænum.

Viðbragðsaðilar að störfum í bænum. Ljósmynd/Landsbjörg

Eftir að eitt snjóflóðanna féll innarlega í Neskaupstað í morgun og lokaði bænum í rauninni var hann beðinn um að stöðva umferð þangað á meðan verið var að ræsa út viðbragðsaðila. Spurður segist hann ekki vita hvenær bærinn opnar þar á nýjan leik.

Einnig opnuðu hann og samstarfsmenn hans vegina á rýmingarsvæðum til að björgunarsveitarfólk gæti aðstoðað íbúa þar við að komast í skjól.

Frétt af mbl.is

Rýming gildi út nóttina

Einar Sveinn kveðst ætla að vera við störf í dag eins lengi og óskað verður eftir. 

„Við höfum fengið meiri snjó í einu hreti, en þetta stendur svo lengi núna. Það er búið að snjóa svo mikið á okkur á meðan við erum að þessu og það er óvanalegt,“ segir hann, spurður hvort hann muni eftir öðru eins fannfergi í bænum.  

Tengdar fréttir

Snjóflóð á Austfjörðum

Rýming endurmetin í fyrramálið

• Varðskipið Þór við bryggju á Seyðisfirði
• Varðskipið í viðbragðsstöðu á morgun
• Rýming líklega í gildi fram á mánudag
• Rýma í kvöld vegna snjóflóðahættu

» Fleiri tengdar fréttir

• Blogga um frétt