90 daga ákærufrestur vanalega hámark
Setja bókamerki
Ákærufresturinn í máli Sverris Þórs Gunnarssonar hefur verið framlengdur á ný um þrjátíu daga til þess að ljúka megi rannsókn málsins.
Þetta staðfestir Thiago Giavarotti, yfirlögregluþjónn hjá brasilísku alríkislögreglunni í samtali við mbl.is. Þá segir hann algjört hámark ákærufrests vanalega vera níutíu daga.
Sverrir var handtekinn í Rio de Janeiro í umfangsmiklum aðgerðum lögreglunnar þann 12. apríl síðastliðinn og hefur áður neitað að svara spurningum við yfirheyrslur. Endi handtakan með ákæru þykir líklegt að það verði fyrir fíkniefnasmygl og peningaþvætti.
Handtaka Sverris var hluti af Match Point aðgerðum brasilísku lögreglunnar þar sem meira en tvö hundruð lögregluþjónar tóku þátt í aðgerðunum, meðal annars frá Íslandi og Ítalíu.
Í aðgerðunum lagði lögregla hald á 65 kíló af kókaíni, 225 kíló af kannabisefnum og 57 fasteignir auk ökutækja og skipa ásamt því að loka fyrir bankareikninga 43 einstaklinga.
Lögreglan telur verðmæti eignanna sem lagt var hald á geta numið um 150 milljóna brasilísks ríal eða um 4,2 milljörðum íslenskra króna.
„Höfum ekki náð að skríða upp úr þeirri gryfju“
Gígbarmurinn hækkað frá því í gær
Kaldasti veturinn kom að óvörum
Kostnaður meiri en milljón á fermetra
Shakespeare fannst í skókassa
Tveir í bílnum sem lenti utan vegar
Vélsleðaslys: Þyrlan kölluð út á mesta forgangi
Handteknir eftir myndatöku í Vesturbæjarlaug