Ragnar Visage, ljósmyndari fréttastofu Ríkisútvarpsins, segist harma það að hafa reynt að komast inn í mannlaust hús í Grindavík fyrr í dag.

Hann segir að á þessum tímapunkti hafi honum fundist það hafa verið rétt ákvörðun að reyna að komast inn í húsið. Hann sjái hins vegar núna að það hafi ekki verið rétt ákvörðun. 

Fréttastjóri Rúv, Heiðar Örn Sigurfinnsson, hefur beðist afsökunar á vinnubrögðum Ragnars og harmar atvikið í yfirlýsingu til fjölmiðla.

Frétt af mbl.is

Ljósmyndari Rúv reyndi að fara inn í mannlaust hús

Líður bara ömurlega yfir þessu

Ragnar segir í samtali við mbl.is að um algjört óðagot hafi verið að ræða. Hann hafi verið einn eftir af tökumönnum Rúv á svæðinu, og að engir íbúar hafi verið nálægt. 

„Ég var að mynda þarna miða sem á stóð að húsið væri tómt og ákvað að athuga hvort ég kæmist inn, mér fannst það á þessum tímapunkti góð hugmynd en þetta var auðvitað hörmuleg ákvörðun hjá mér. Mér líður bara ömurlega yfir þessu,“ segir Ragnar. 

Hann hefur beðið björgunarsveitarmenn afsökunar á atvikinu og ætlaði að biðja íbúa hússins afsökunar.

„Þetta var bara ömurleg hegðun af minni hálfu,“ segir Ragnar og bætir við að hann muni læra af þessu. 

Ragnar segist ætla að biðja íbúa hússins innilega afsökunar á atvikinu.

Tengdar fréttir

Eldvirkni á Reykjanesskaga

Veðurstofan í biðstöðu

• Áframhaldandi skjálftavirkni við Svartsengi
• Rólegt á vakt Veðurstofunnar
• Lengsta lota kvikusöfnunar frá upphafi atburðanna
• Kostnaðurinn nemur allt að þremur milljörðum

» Fleiri tengdar fréttir

• 1 blogg um fréttina

Bloggað um fréttina

• Óðinn Þórisson: Trúverðugleiki Rúv í húfi