Sendi stuðningspóst frá netfangi Alþingis
Setja bókamerki
Starfsmaður Alþingis sendi í vikunni stuðningspóst á félagsmenn Vinstri grænna í Norðvesturkjördæmi fyrir hönd Lilju Rafneyjar Magnúsdóttur, þingmanns, en hún sækist eftir 1. sæti á lista flokksins í kjördæminu. Pósturinn var sendur frá netfangi starfsmannsins sem er skráð á Alþingi.
Í póstinum segist Lilja vilja leggja fram krafta sína í baráttunni fyrir réttlátu og heilbrigðu samfélagi með grunngildi VG að leiðarljósi. Ekki hefur náðst í Lilju vegna málsins.
Norðvesturkjördæmi er eina kjördæmið þar sem forval fer fram hjá Vinstri grænum. Þegar atkvæði eru greidd í forvalinu á að tölusetja frambjóðendur í sex efstu sætunum, og sækist Lilja eftir því efsta.
Mbl.is hefur reynt að ná í formann kjörstjórnar og framkvæmdastjóra flokksins vegna málsins, án árangurs.
Myndskeið: Hátt í 140 lömb á tveimur sólarhringum
Urðu ekki vör við kvikuhlaup
Tímaspursmál hvenær framleiðslu verði hætt
Um 70 jarðskjálftar í kvikuganginum
Mannbjörg þegar strandveiðibátur sökk
Ástand Ficos stöðugt en „mjög alvarlegt“